توڕا میدیا یا شێخان ، تاکە دەزگەهێ ڕاگەهاندنێ یێ فەرمی یە ل قەزا شێخان و زمانحالێ پارتی دیموکراتی کوردستانە. ئەڤ دەزگەهە ل ڕێکەفتی (٢٤/٧/٢٠٢٤) ب شێوەیەکێ فەرمی و ب پشتەڤانیا بەشێ ڕەوشەنبیری و ڕاگەهاندنا پارتی هاتیە دامەزراندن، کو ڕاستەوخۆ سەر ب وی بەشی ڤە دهێتە هەژمارتن.
پێکهاتە و بەشێن دەزگەهی:
دەزگەهێ شێخان میدیا ژ چەندین پلاتفۆرمێن میدیایی پێکهاتیە، ژوان ژی:
• ڕادیۆ / وێب سایت / دیجیتاڵ میدیا /.
• بەرنامە: دەزگەهـ خودان چەندین بەرنامەیێن جودایە، کو دوو ژ وان سەرەکی نە ب ناڤێ (سپێدەهیا شێخان) و (ئێڤارا شێخان).
هەیکەلێ کارگێڕی:
پێكهاتێ کارکرنێ یێ شێخان میدیا ژ 12 کارمەندان پێکدهێت، کو ب سەر ئەڤان پۆست و بەشان دا دابەش بووینە:
1. ڕێڤەبەر.
2. بەرپرسێ دارایی.
3. بەرپرسێ بەشێ هونەری.
4. بەرپرسێ نڤیسینێ (سکرتێرێ نڤیسینێ).
5. بەرپرسێ سۆشیال میدیایێ.
ستراتیژی و سیاسەتا دەزگەهی:
• ئارمانجا توڕا میدیایی یا شێخان
ئارمانجا سەرەکی یا ئەڤی دەزگەهی، گەهاندنا دەنگ و ڕەنگێ خەلکێ خۆشتڤی یێ شێخانە و دابینکرنا سەکۆیەکی یە دا کو وەلاتی بشێن برێکا وێ دەنگێ خۆ بگەهیننە لایەنێن پەیوەندیدار.
دروشمی سەرەکی.
” توڕا میدیایی یا شێخان، دەنگێ هەمی پێکهاتەیانە”
* دیــتن ( دیــــدا توڕا میدیا یا شێخان ) :-
ژ پێخەمەت ب هێزبوون و گەهشتنا دەنگێ خەلکێ شێخان و کارکرن بۆ پێشڤەبرنا ئاستێ پێکڤەژیان و لێکتێگەهشتنێ دناڤبەرا پێکهاتەیێن دەڤەرێدا .
* پـەیـام: –
• هەمی دەنگێن جیاوازێن دەڤەرێ ب جوانی بگەهن.
• شێخانێ بکەینە نمونەیەکا جوانا کوردستانێ دبیاڤێ بهەڤرەژیانێدا .
• گیانێ نیشتیمان بکەینە ئارمانجا ستراتیژییا هەڤوەڵاتی بوونێ.
* بـەهـایـێـن بـلـنـد :-
• هەرێما کوردستانێ : هەرێمەکە دەستوورییە ب خۆی هزاران شەهیدان هاتییە ئاڤاکرن و هەتا کۆگەهشتیە ئەوی ڕادەی کوردی بگەهتە وێ هوشیاریێ ب ڕێکا مینبەرێ مە بەهایێ هەرێ بلندە بۆ پاراستنا ئاخا وێ بیت .
• حکومەت: حکومەتا هەرێمێ هەردەم خودان بۆچوک و ستراتیژیەکا درێژخایەنە بۆ هەموو دەڤەران و گرنگییەکا مەزن ب پرۆژەیان دایە و دەستکەفتێن حکومەتێ ب ڕێکا رادیۆیا شێخان پێشان بدەین.
پارتی دیموکراتی کوردستان هەردەم وەک پارتەکا خودان دیرۆکەکا پڕ زەنگین کو خودان ٧٠ ساڵێن تەمەنی و زێدەتر، هندەک تشت بۆ وان بنەمانە بۆ ژیانبوونێ و توڕا میدیایی یا شێخان ژی ل سەر هەمان بیروباوەر وان بەهایان ب بلند و بەرزی دبینت، ئەوژی :-
• پارتی: ئەو پارتا کورد پێشرەوا دۆزا نیشتیمانی و نەتەوەیا کوردی دکەت ل سەر ئاستێ هەر هەرێمی و نێبدەولەتی ب ڕێبەریا سەرۆک و لێڤەگەرێ کوردان سەرۆک مەسعود بارزانی و درێژەپێدەریا ڤێ دۆزێ دکەت ل سەر ڕێچ و ڕێبازا بارزانیێ نەمر و ئەدریسێ جوانەمەرگ کو ئەم پەیاما راستەقینەیا پارتی و سەرۆکی بگەهیننە رەئیێ گشتیی
• ڕێکخستن: ل گۆرەیی نەرینا مە پارتی وەسیلەکە بۆ پاراستنا کوردستانێ، ئەگەر پارتی و ڕێبازا بارزانی دەستهەڵاتدار بیت واتە نوویبوونەڤە و خزمەت و ئاڤەدانی و ب هەڤرەژیان و سەقامگێری و ئەولەهی بەرقرارە ژپێناڤ هندێ ب ڕێکا بەرنامەیێن خۆ بەرپرسێن حزبی ب رێکا مینبەرێن مە کاروخەباتا خۆیا ڕێکخستنێ بهێز بکەن.
• خەلک: ل سەر باوەر وڕێباز و گۆتنا بارزانیێ نەمر کو ( مەزنترین شانازییە خزمەتکارێ مللەتێ خۆ بیت) کو گلە و گازندێن خەلکێ ب ڕێکا ڕادیۆیێ بگەهینینە جهێن پەیوەندیدار
• جڤاک: جڤاکێ کوردستانی جڤاکەک سپی و پاک و خودان ڕوومەتە ب ڕێکا ڕادیۆییا شێخان وان بەهایێن جوانێن خێزانی دناڤ ڕووبەڕێ ڕووومالا مەدا هەبیت، نەبینە ئەگەرێ تێکدا خێزانێ بەلکوو ئاڵاڤەک بین ژبۆ خزمەتا پێکڤەگریدان و سومعەیا جوانا خێزانا کوردی.
• ئاین: شێخان مەڵبەندەکی پرە ژ ئاین و ئاینزایێن جوان ژوانا ژی موسلمان، ئێزدی و مەسیحی، هەموو ئاینێن جواننن ب ساڵانە دناڤ ئاخا جوانا کوردستانێ دا، ژپێناڤ هندێ ژی هەموو ئاین وئاینزانە ڕادیۆ ببیتە مینبەرا گەهاندنا پەیاماوان یا جوان.
* فـۆکـسـا کـارکـرنـێ: –
• چاندن: ژبەرکوو چاندن ژێدەرێ گرنگ و بڕبڕەیا ئابوورا وەڵاتانە و شێخان خودان ڕووبەر و پاوانەکی مەزن هەیە و خەلکێ ڤێ ناڤچەیێ پشت بەستنێ ب کارێ چاندنێ دکەن و ئیک ژ کارنامەیێن حکومەتا هەرێمێ و راسپاردەیێن سەرکردایەتیا پارتیا مەیە گرنگی ب ڤی بیاڤێ گرنگێ ژیانێ بهێتەدان، ئەم ژی دێ ل سەر هندێ کارکەین کو هاندانەک بهێتە کرن ب ڕێکا ڕادیۆییا مە بەرنامە و پلانێن تایبەت دێ هەبن.
• گەشتووگوزار: ئیکە ژ ئالاڤێن مەزن بۆ ئابوورا هەرێما کوردستانێ و شێخان دەولەمەندە ب جهێن گەشتووگوزاری و ب تایبەت گەشتووگوزاریا ئاینی ب ڤێ ڕێکی ژی دێ فۆکسەکا مەزن دەینە وان جهێن گەشتیاری خەلک قەستا وان بکەت.
• پەروەردە و فێرکرن: ئیک ژ ئارمانجێن هەری گرنگیێن رادیۆیی هاندانا نفشێ نوییە بۆ پەروەردە و فێرکرنێ.
• ئافرەت: ئافرەتا کورد هەردەم خودان خەبات بووییە هەر ژ سەردەمێ چیا و شۆرەشێن کوردی و هەتا نها ژی پیشەنگە ژبەر هندێ ژی گرنگییەکا مەزن دەینە ئافرەتێ ژبەرکوو نفشەک ل سەردەستی دهێتە پەروەردەکرن.
• گەنج: ژبەرکوو گەنج دهێنە هەژمارتن ب داینەمۆیا جڤاکان دی ستۆریێن سەرکەفتیێن گەنجان ئێخینە بەرچاڤ.
• زارۆک: ژبەرکوو زاڕۆک خودان مێشکەکی سپی و جوانە پیدڤییەکا کەشەکی باش و جوان و هوشیارییەکا ساخلەم بۆ وان بهێتە دروستکرن ب ڕێکا بەرنامەیان دێ خزمەتا زاڕۆکان کەین.
• یاسا: دی ب بەرنامەیێن یاسایی هوشیاریا جڤاکی کەین دهەمی بیاڤێن ژیانێ دا وەک یاسایین هاتنوچۆن و سۆشیال میدیا و هتد.
• ساخلەمی: ژبۆ هەر جڤاکەکی ساخلەم، ژەنگەستەکی ساخلەمی هەبووییە، ژبەر هندێ ژی دێ فۆکسا مە ل سەر هۆشیاریا ساخلەمیی بیت.
• ژینگەهـ: ژبەرکوو کوردستان خودان ژینگەهـ و سروشتەکی جوانە ژبۆ کو ئەم ڤێ ژینگەها جوان بپارێزین و نها گوهەڕینێن