“پەیامەک، ژ لقا شێخان یا ئێکەتیا قوتابی و
لاوێن دیموکراتا کوردستانێ، ژبۆ قوتابیان.”
قوتابیێن سەرە ڕم، خێزان و کەس و کارێن قوتابیان. وەکە هوونێن هێژا دزانن. ژبەر باردۆخێ ئەمنی یێ دەڤەرێ چەند رۆژن ل هەموو ناڤەندێن خواندنێ بوویە بێنڤەدانا فەرمی.
دناڤ سوشیال میدیایێ دا، هژمارەکا پەیچان، هەواڵێن نەراست “Fake News” لدۆر خواندنا قوتابیان بەلاڤکرینە دبێژن: خواندن دێ بیتە ئۆنلاین، هەمی قوتابیێن پۆلا 12 دێ داخلی ویزاری بین، نمرێن وەرزێ ئێکێ دێ هێنە هژمارتن بۆ قوتابیان هتد… ئەم هەموو قوتابیان پشتراست دکەین، هیچ هەواڵەک ژ ڤان راست نینە. هێشتا وەزارەتا پەروەردێ هیچ بریارەک نەدایە.
ئەڤ جۆرێن هەواڵان، کاریگەریەکا گور سەر دڵێ قوتابیان هەیە، گومانێ ل با قوتابیان دروست دکەت، دەروونێ وان تێک ددەت. دەیک و بابێن قوتابیان خەمگین دکەت دبیتە ئەگەرێ ئاریشێن خێزانی. هوونێ هێژا بلا ئاگەهدار بن، راستیا خواندنا قوتابیان، تەنێ دپەیامێن فەرمیدا دهێتە دیتن.ئەم دوێ باوەریێدا وەزارەتا پەروەردێ هەر بریارەکا بدەت دێ بەرژەوەندیا قوتابیان دا بیت.
هیڤدارن ژ خودایێ مەزن گیانێ قوتابی ،مامۆستا، پێشمەرگە، هەموو خەلکێ کوردستانێ یێ پاراستی بیت، کوردستان هەر یا ئاڤەدان بیت.
راگەهاندنا لقا شێخان یا ئێکەتیا قوتابی و لاوێن دیموکراتا کوردستانێ