شێخان میدیا
پێشوازیێ ل بڕیارا دادگەهێ دکەم بۆ سزادانا تاوانبار (عەجاج تکریتی)، جەللادێ نوگرەسەلمان. ئەڤ بڕیارە سەرکەفتن و بجهئینانا دادپەروەریێ یە و کێمترین دلدانە و تەسلیا کەسوکارێن ئەنفالکریانە. دەستخۆشیێ ل دادوەران، پارێزەران، شاهدحالێن چەور و وێرەک و هەمی ئەوێن هاریکار بووین د گەهاندنا تاوانباری ب سزایێ یاسایی دا دکەم.
سزادانا ڤی تاوانباری پشتی چەندین سالان، پەیامەکا روونە کو تاوانێن جینۆساید و دژی مرۆڤایەتیێ، دەرحەق ب گەلێ کوردستانێ، چ جاران کۆن نابن و دەستێ دادپەروەریێ هەر دێ گەهیتە تاوانباران. ئەڤرۆ جارەکا دی هاتە سەلماندن کو ئیرادا ماف و ژیانێ، ژ هەمی ستەم و دڕندایەتیەکێ ب هێزترە.
هەر ب ڤێ هەلکەفتێ تەئکیدێ دکەینەڤە کو پێدڤیە حکومەتا عێراقا فیدرال ئەرکێ خۆ بجه بینیت و قەرەبوویا ماددی و مەعنەویا قوربانیێن ئەنفالێ بکەت، ئەوا دادگەها بلندا تاوانێن عێراقێ وەک جینۆساید ناساندی.
یادا شەهیدێن ئەنفالێ و هەمی شەهیدێن کوردستانێ هەر دەم بەرز و گیانێ وان شاد و ئاسوودە بیت.