ل باژێرێ سلێمانیێ کچەکا 24 سالی ژبەر وەرگرتنا چارەسەری و دەرمانان ب ڕێکا ژیرییا دەستکرد (AI)، ژیانا وێ کەفتە د مەترسیەکا مەزن دا و جەگەر و گولچیکێن وێ ژ کار کەفتن.
چیرۆکا سەرەکی: کچەکا 24 سالی ل سلێمانیێ پشتی تووشی دلەکزێ، وەریانا پرچی و سەرئێشێ دبیت، ل شوینا سەرەدانا نۆژداری بکەت، ژبەر زانینا زمانێ ئینگلیزی پرسیارێ ژ ژیرییا دەستکرد دکەت کا چ دەرمانان بخۆت. پاشان ب شێوەیەکێ ڕاستەوخۆ پشت ب پێشنیارێن AI دبەستیت و ئەو دەرمانان ب کار دئینیت. لێ ئەنجامێ بکارئینانا دەرمانان پێچەوانە دبیت و کچە تووشی خوینبەربوونا ناڤخۆیی دبیت، ب ئاوایەکی کو جەگەر و گولچیکێن وێ ژ کار دکەڤن.
ئاخفتنا فەرمی: دکتۆر باوەر بەختیار، نۆژدارێ دل و هەناڤان ڕاگەهاند: دەما کچە گەهاندینە تەواریێ (فریاکەوتنێ)، ب تەمامی بێهۆش بوو و ژیانا وێ د مەترسیەکا زۆر دا بوو. دەستپێکێ مە نەدزانی کێشە چییە و بۆچی وەسا لێ هاتیە، لەوما ب پەلە مە کارێ بووژانەوەیێ بۆ کر تا کو بارودۆخێ وێ کێمەکێ جێگیر بووی، پاشان ب پشکنینان دیار بوو کو لەشێ وێ ب تەمامی ژەهراوی بوویە.
زانیاریێن زێدەتر: پشتی گەهشتنا وێ بۆ نەخۆشخانێ و تێکچوونا بارێ تەندروستیێ، کچە بۆ ماوێ چار ڕۆژان د بەشێ چاڤدێریا چڕ دا مایە تا کو شیان ژ مرنێ ڕزگار بکەن. پشکنینان ژی سەلماند کو ئەگەرێ ژەهراویبوونا لەشێ وێ، ب شێوەیەکێ ڕاستەوخۆ پەیوەندی ب وان دەرمانان ڤە هەبوو یێن کو بێی ڕێنماییا نۆژداری ب کار ئیناین.