د ڕوونشتنا پهرلهمانێ عیراقێدا بڕگهیا دهستكاریكرن د قانوونا ڕزگاربوویێن ئێزدیدا هاته ژێبرن د ڕوونشتنا پەرلەمانێ عیراقێدا، ئەو بڕگەيا كو بڕیاربوو دەستکاری و گوهۆرین تێدا بهێنەکرن د قانوونا ڕزگاربوویێن ئێزدیدا، ب تمامی هاتە ژێبرن و ژ خشتەیێ کارێ پەرلەمانی هاتە ڤەکێشان و دانوستاندن ل سهر ناهێتهكرن. ئەڤە د دەمەکیدایه، كو ل دووڤ خشتهیێ سوبههی یێ ڕوونشتنا پهرلهمانێ عیراقێ بڕیاربوو د بڕگهیا پێنجێدا، خواندنا ئێكێ بۆ پرۆژهقانوونا دهستكاریكرن د قانوونا ڕزگاربوویێن ئێزدی یا ژماره ههشت یا سالا 2021ـێ بۆ بهێتهكرن.
