ریکلامکرن بۆ ڤیزەیا شنگن هاتە قەدەغەکرن

هەر کۆمپانیا و نڤیسینگەکا ڕیکلاما وەرگرتنا ڤیزەیا شنگن بکەت، دێ ڕوو ب ڕووی ڕێکارێن یاسایی بیت.
هێمن میرانی، ڕێڤەبەرێ گشتی یێ دیوانا وەزارەتا ناڤخۆ یا حکومەتا هەرێما کوردستانێ د تۆڕا جڤاکیا فەیسبووکیدا بەلاڤکریه‌: دەمەکە پشکەک ژ کۆمپانیا و نڤیسینگەیێن گەشتیاری ڕیکلامێن بێ بنەما بۆ وەرگرتنا ڤیزەیا شنگن و بەریتانیا دکەن.

ئەڤ کۆمپانیایە پارەکێ زۆر ژ وەلاتییان وەردگرن و ژبەر هندێ زیانێن دارایی گەهشتینە پشکەک ژ وان، لەوما داخوازا ڕاگرتنا وان جۆرە ڕیکلامان ژ وان دکەین، چونکی بەرووڤاژی ڤێ چەندێ دێ ڕوو ب ڕووی ڕێکارێن یاسایی بن