حکوومەتا عێراقێ رێژەکا گەنمێ ساڵا 2024ێ دناڤ سایلۆیێن پارێزگەها دهۆکێ دا هێلایە و مەترسیا خرابوونێ ل سەر هەیە
رێڤەبەرێ سایلۆیا شێخان ڕاگەهاند، ئەڤە ساڵەک و شەش هەیڤن هندەك گەنمێ ساڵا 2024ێ دناڤ سایلۆیێن پارێزگەها دهۆکێ دا مایە و ئەم بەردەوام چاڤدێری و پاراستنا وێ گەنمێ ساڵا 2024ێ دکەین داکۆ خراب نەبیت ئەڤە بیتە بارگرانی بۆ سایلۆیان هەروەسا مەترسیا خرابوونێ لسەر هەیە ئەم بەردەوام چاڤدێریا گەنمێ ساڵا 2024ێ دکەین داکۆ خراب نەبیت.
خالد بیبو، رێڤەبەرێ سایلۆیا شێخان گوت، ئەو گەنمێ ئەم وەردگرین دەمێ دورینا گەنمی ژ جوتیاران وەزارەتا بازرگانیان عێراقێ ژ سایلۆیا دبەت لسەر کارگەهێن ئاری دابەش دکەت هەمی دبیتە ئار لسەر خەلکی ب رێکا پلێتا ئاهێن خوارنێ دێ هێتە دابەشکرن.
زێدەتر گوت، سایلویێن پارێزگەها دهۆکێ گەنمێ جوتیاران لسەر 13 کارگەهێن چێکرنا ئاری دابەش دکەن لێ هندەک جاران حکوومەتا عێراقێ شوونا پشکا ئاری 12 هەیڤان بدەتە خەلکێ هەرێما کوردستانێ ب تنێ پشکا 9 هەیڤان دەت ب تنێ ئەڤسالە دێ پشکا 10 یا ئاری ل سەر خەلکێ پارێزگەها دهۆکێ دێ هێتە دابەشکرن کۆ گەلەک ساڵا گەنم دناڤ سایلۆیان دا دمینیت ئەڤە دبیتە ئاریشە ژبەرکۆ دەمێ گەنم بمینیت بەردەوام پێدڤیە ئەو گەنم بهێتە تافیلکرن داکۆ خراب نەبیت.
خۆیا کر، ل سایلۆیا زاخۆ هەتا هەشت هزار تەنێن گەنمێ ساڵا 2024 ماینە ل سایلۆیا فەیدیێ ژێ گەنمێ ساڵا 2024 مایە ل سایلۆیا شێخان گەلەک گەنمێ ساڵا 2024 مایە هەتا 30 هزار تەنێن گەنمێ ساڵا بووری ل شێخان هەبوون نوکە ئەم پشکەکێ دابەش دکەین لسەر کارگەهان دێ بیتە ئار و ل سەر خەلکێ پارێزگەها دهۆکێ هێتە دابەشکرن.
رێڤەبەرێ سایلۆیا شێخان تەکەزکر، ساڵا 2024ێ حکوومەتا عێراقێ گەنمی ژ سایلویێن نەینەوا بۆ کارگەهێن چێکرنا ئاری ل دهۆکێ دئینان لەورا هندەک گەنمێ ساڵا 2024 ێ دناڤ سایلویێن پارێزگەها دهۆکێ مایە لێ ئەڤسالە پتر گەنم ژ سایلویێن دهۆکێ بۆ کارگەهان دێ هێتە رەوانەکرن نوکە ئەم بەرهەڤیێن بلاڤکرنا پشکا 10 یا ئارێ ئەرزاقی دکەین.
ئەندازیار خالد بیبو، ئەوژی بەرچاڤکر، ئەڤە چەند ساڵن حکوومەتا عێراقێ پتر گەنمی ل سایلۆیێن ناڤەراست و ژێریا عێراقێ وەردگریت بۆ هەرێما کوردستانێ رێژەکا کێم دەست نیشان دکەت و پێدڤیە بۆ ساڵا بهێت رێژا وەرگرتنا گەنمی ل سایلۆیێن کوردستانێ زێدەبیت ژبەرکۆ جوتیارێن هەرێما کوردستانێ رێژەکا مەزن یا گەنمی بەرهەم دئینن.