Shexan media

ئالايێ پيروزێ كوردستانێ ژیێ ئالایئ کوردستانێ سەدەیەک ژ مێژویا ئەڤرو تێپەراندی یه:- نڤیسین/ شڤان غازی

شێخان میدیا

رەنگێن ئالایێ کوردستانێ رامانێن وێ :-
رەنگێ سور / رامانا وێ خوینا شەهیدانه مەرەم ژێ مللەتێ مە ل هەر چار پارچێن کوردستانێ دەریایەکا خوینێ بو ئەڤی ئالایی ریشتیە تاکو ب سەربەرزی بمینیت.
رەنگێ سپی / نیشانا ئاشتی و ئارامی و پاکیێ یە مەرەم ژێ مللەتێ کوردستانێ سەرەرای هەبونا دوژمنداریا بێ گونەهی هەر بو دەوروبەرێن خو دیارکریه ئەم مللەتەکێ ئاشتی خازین و نابینه مەترسی بو چ لایەن و چ وەلاتان .
رەنگێ کەسک :- نیشانا کەسکاتی ئانکو سەوزایی ژیان و جوانیا خاکا کوردستانێ.
رەنگێ زەر :- نیشانا روناهیێ گەشەسەندن و ژیانێ دیسان بیست و ئێک تیشكێن رەنگێ زەر دناڤ ئالایی دا بیست و ئیکێ هەیڤا ئادارێ یه کو دناف مللەتێ مە یێ کوردستانێ دا دبیته جەژنا نەوروزێ هەر سال د ڤێ بیرەوەریێ دا ئاگر دهێت هەلکرن و چەندین روژان گەشت و سەیران و چالاکی دهێن گێران .

ئەڤ ئالایه ب چەندین قوناغان دا دەرباز بویه زور سەرکردێن مەزن خەونا پێڤە دیتی کو روژەکێ ژ روژان وەک ئالایێ دەولەتا کوردستانا مەزن بهێته هەلدان ل هەمی جیهانێ .
کومارا کوردستانێن ل سالێن (۱۹٤٥-۱۹٤٦) ب فەرمی ئەڤ ئالایه بلند کرینه پاشان قازی محمد ب ئەمانەت رادەستی بارزایێ نەمر کریه و گوتیه ئەز د وێ باوەرێ دامه دێ هێته پاراستن و هەتا ئەڤروکە ژی ب بلندی و سەرفرازی مایه.

ئالایێ پیروزێ کوردستانێ تنێ پارچە قوماشەک نینه بەلکو نیشانا ناسناما گەلێ کوردستانا خوشتڤی یه مێژویا نیشتیمان و هیوایا گەلێ مەیه.