ژیریا دەستكرد یان لاوازیا دەستكرد دگەل پێشكەفتنا سەردەم و جیهانا دیجیتالی، مرۆڤ گەهشتیە گەلەك ژ وان تشتێن د خەیالێن خودا هزر تێدا دكرن و ئەڤ گەهشتنە ب ڕادەیەكێ ئێكسەر و بلەزاتیەك بێ وێنە بوو , بەلێ پسیار ئەوە ئەرێ ئەڤێ پشێكەفتنێ مرۆڤ و هزرا مرۆڤی پێش ئێخست یان بەروڤاژی ل جهێ پێش ئێخستتنێ مرۆڤ و شیانێن مرۆڤی لاوازكرن !! بێگومان ئەگەر ئەم بگشتی سەحكەینێ مرۆڤ ژلایێ هزر و هەست و بڕیاردانێ ڤە گەلەك هاتیە لاوازكرن و ل جهێ مرۆڤی زیرەكیا دەستكر كار دكەت , و هەتا ئەڤرۆ گەهشتیە وی ئاستی ئەڤ زیرەكیا دەستكر ل جهێ مرۆڤی هزر بكەت و بڕیارێ ژی بدەت و ئێدی مرۆڤی هەر تشتەكێ خۆ ڕادەستی ئەڤێ زیرەكیا دەستكر كرینە و وەسا هزر دكەت بخۆ خزمەتكارەك گرتیە و پێشڤەچوونەك باش بخۆڤە دیتیە بەلێ د ڕاستی دا بەروڤاژیە مرۆڤ بویە خزمەتكار و بەندەیێێ ئەڤێ زیرەكیا دەستكر !و ئەو كنترولێ ب مرۆڤی دكەت و ل جهێ هندێ بو مرۆڤی ببیت ژێدەرێ هێزێ بویە ژێدەرێ لاوازیێێ و مڕۆڤ ژ هزركرنێ و دیڤچوونێ ڕاوستاندیە , و ئەڤرۆ ئەم دبینین چەندین كەسایەتیین سەختە لژێر ناڤ و هەبونا زیرەكیا دەستكر خۆ ڤەشارتینە و وەسا خۆ نیشان ددەن پڕ زانین و فەیلەسوفن بەلێ د ڕاستی دا ئەو د نزمترین ئاستێ خودانە ژبەركو شیانێن وان د سەختەنە هزرێن وان د سەختەنە و هەتا كەسایەتییا ئەو خۆ پێ نیشان ددەن ژی یا سەختەیە , لەوما ئەم دبێژین زیرەكیا دەستكر لاوازیا دەستكر دروستكر و تاكەكێ لاواز بەرهەم ئینا و وەك وێ گوتنا دبێژیت ( یا نورمالە تو گەمیەكێ دناڤا ئاڤێ دا ببینی ، بەلێ نەیا نورمالە تو ئاڤێ دناڤا گەمیێ دا ببینی) ئاها هوسا یا نورمالە تو زیرەكیا دەستكرد بۆ خزمەت خۆ و وەك هاریكارەی بخو بكار بینی بەلێ نەیا نورمالە تو ببیە خزمەتكار و ئەو تە بخو وەك بەندەیەك بكار بینیت , پێشڤەچوون و پێشكەفتن نەك ب گەلەك دەستڤە ئینانانێ یە بەلكو ب گەلەك ڕاستەقینە و ڕاستگویێێ یە وەك دكتور مستەفا مەحمود دبێژیت: مە گەلەك پێشكەفتن ب دەستخوڤە ئینا بەلێ ئەوا مە ژ دەستدایی گەلەك پتر بوو