Shexan media

( قوتابی و ترس و دوودلی )) نڤیسین( ماموستا : بارین محمد عبدالله )

شێخان میدیا

ترس و دوودلی ڕەفتارەکە کۆ دهێتە گوهورین و کێمکرن نەکو شێوازەکێ نە گوهورە ، ترس و دوودلی ئێک ژ ئاستەنگێن هەرە مەزنە ژبۆ قوتابییان .

هوکارێن ترس و دوودلیێ لدەف قوتابییان دزڤرن بۆ چەندین ئەگەران :-
١- فشارێن خێزانی : داخوازکرنا نمرەیێن بلند ژ قوتابی ژلایێ خێزانێڤە بێ گرنگیدان ب قوتابی بخۆ .
٢- ترس ژ شکەستنێ : گەلەک قوتابییان ترسەکا مەزن ژ شکەستنێ یان هەبوونا شاشییان دبەرسڤێن خودا هەیە .
٣- هەبوونا شەرمینیێ لدەڤ قوتابی : هندەک ژ قوتابییان دبنەرەتدا دشەرمینن و دترسن ل پێش چاڤێن هەڤالێن خۆ باخڤن .
٤- شێوازێ ماموستای : ماموستایێن توند و یێن ڕەخنەگر ل بەرانبەری قوتابییان ترسەکا مەزن ددەنە قوتابییان .
٥- ژینگەها پولێ : گوتنا ئاخفتنێن نەگونجای ژلایێ هەڤ پولێن قوتابی دبنە ئەگەرێ دروستبوونا ترس و دوودلیێ لدەڤ قوتابییان .

ڕێکێن چارەسەریێ :-

١- دروستکرنا ژینگەهەکا ئارام و پڕ ژ هاندانێ : بلا پول ببیتە جهێ فێربوونا قوتابی نەکو ئازاردانا قوتابی ، هەروەسا دەرفەت ب قوتابییان بهێتەدان شاشییان بکەن ژبەرکو ب شاشیان مرۆڤ فێردبیت .
٢- پەیوەندییا دناڤبەرا خێزان و قوتابخانەیێ دا : هاندانا دایک و بابێن قوتابییان کۆ فشارێن دەروونی ل سەر زاروکێن خۆ نەکەن و گرنگیێ ب بزاڤێن قوتابی بدەن نە بتنێ نمرەیان .
٣- پشکداریکرنا تێکەل ( گشت قوتابییان) دچالاکیان دا : ئەنجامدانا کاران ب هەرەوەزی ژلایێ گشت قوتابییانڤە و دروستکرنا گروپان دپولێ دا داکو قوتابی زێدەتر تێکەلی هەڤدوو ببن و شەرمینی لدەڤ کێم ببیت .
٤- هاندانا ماموستای بۆ قوتابی : ماموستا ب پەیڤێن جوان و باوەرپێکری سەرەدەریێ دگەل قوتابییان بکەت ب گوتنا ( تۆ دشێی ئەڤی کاری ئەنجام بدەی ) .

(( ب هەماهەنگی دناڤبەرا ماموستا و خێزانێ دا ئەم دشێین قوتابییەکێ خودان باوەری بخۆ و چالاک و دوور ژ ترس و دوودلیێ ئاڤا بکەین داکو بشێین شیانێن خۆ یێن راستەقینە نیشان بدەن )) .

ئامادەکرن ( ماموستا : بارین محمد عبدالله )