شێخان میدیا
سەرۆک بارزانی ب هەلکەفتا هاتنا جەژنا رەمەزانا پیرۆز پەیامەکا پیرۆزباهییێ ئاراستەی خەلکێ کوردستانێ و مالباتێن سەربلندێن شەهیدان و پێشمەرگێن قەهرەمان و موسلمانێن کوردستانێ و جیهانێ و دەڤەرێ کر، و هیڤی خواست جەژنەکا تژی ئارامی و ئاشتی و تەناهی بیت بۆ هەموو لایەکێ.
دەقێ پەیاما سەرۆک بارزانی:
ب ناڤێ خودایێ مەزن و دلۆڤان
ب هەلکەفتا جەژنا رەمەزانا پیرۆز، گەرمترین پیرۆزباهییان ئاراستەی موسلمانێن جیهانێ و عیراقێ و کوردستانێ دکەم. پیرۆزباهیا جەژنێ ل مالباتێن سەربلندێن شەهیدان و پێشمەرگێن قەهرەمان و هەموو وەلاتیێن کوردستانێ دکەم.
د ڤێ هەلکەفتا پیرۆز دا، هیڤیا سەرفەرازی و بەختەوەریێ بۆ خەلکێ خۆشتەڤێ یێ کوردستانێ دخوازیم و ژ خودایێ مەزن داخوازیێ دکەم کو رۆژی و نزا و عیبادەتێن هەموو موسلمانان قەبوول کربن، و ئەڤ جەژنە ببیتە ئەگەرێ ئاشتی و تەناهیێ بۆ دەڤەرا مە و هەموو مرۆڤایەتیێ.