سەرۆك بارزانی پێشوازی ل كونسۆلێ گشتییێ نوو یێ ئیمارات ل هەولێرێ كر
سەرۆك مەسعود بارزانی ل پیرمام پێشوازی ل ئەحمەد حەسەن سلێمان ئەلشحی كونسۆلێ گشتییێ نوو یێ ئیمارات ل هەولێرێ كر.
د دیدارا واندا كونسۆلێ گشتییێ ئیمارات ل هەولێرێ سلاڤ و ڕێزێن سەركردایەتییا ئیماراتێ گەهاندنە سەرۆك بارزانی، سەركەڤتنا پرۆسەیا هەلبژارتنان ل سەرۆك بارزانی پیرۆزكر و هیڤی خواستن ئەنجامێن هەلبژارتنان د بەرژەوەندییا خزمەتا گەلێ عیراقێدا بن، هەروەسا كونسۆلێ گشتییێ ئیماراتێ پەسنا پێشكەڤتن و گەشەكرنا هەرێما كوردستانێ كر و ڕاگەهاند، وەلاتێ وی دخوازیت پەیوەندییێن خۆ دبیاڤێن ئابووری و بازرگانی و تەكنۆلۆجیا زانیارییان و چاندنێ و بیاڤێن دیدا دگەل هەرێما كوردستانێ بهێز بێخیت.
ژلایێ خۆڤە سەرۆك بارزانی ب گەرمی ب خێرهاتنا كونسۆلێ نوو یێ ئیماراتێ كر، هیڤییا سەركەڤتنێ بۆ خواست و دووپاتكر، گەلێ كوردستانێ هەردەم ڕەوانگەیەكا ئیجابی و دوستانەیی بەرامبەر ئیماراتێ هەیە، پێشوازییێ ل بەردەوامی و گەشەپێدانا پەیوەندییێ دناڤبەرا هەردوو لایاندا كر.