ناڤەندا نووچەیان
ڕۆژا ئەینی 9ێ کانوونا دووێ یا 2026، ئەحمەد ئەلشەرع، سەرۆکێ سووریێ، ب ڕێکا تەلەفۆنێ پەیوەندی ب سەرۆک بارزانی ڤە کر.
د وێ پەیوەندییا تەلەفۆنی دا، دوماهی پێشهاتێن سیاسی یێن سووریێ و گوهۆرینێن دەڤەرێ هاتنە بەحسکرن و هەردوو ئالیان دووپاتی ل سەر گرنگییا سەقامگیری و هەماهەنگییا هەڤپشک کر. هەروەسا، سەرۆک شەرع ئەو یەکە دووپات کر کو کورد پێکهاتەیەکێ ڕەسەن و سەرەکی یێ گەلێ سووریێ یە و دووپاتی ل سەر پابەندبوونا تەمام یا دەولەتا سووریێ بۆ گەرەنتیکرنا هەمی مافێن نشتیمانی و سیاسی و مەدەنی یێن کوردان د گەل پێکهاتەیێن دی یێن سووریێ ب شێوەیەکێ یەکسان و بێ جوداهی کر.
هەر د وێ پەیوەندییا تەلەفۆنی دا، سەرۆک بارزانی پێزانین بۆ وێ تێڕوانینا سەرۆک شەرع هەبوون و پشتەڤانییا خوە بۆ خواست و هیڤیێن سووریان بۆ ئاڤاکرنا دەولەتەکێ ڕاگەهاند کو هەمی ئالی و پێکهاتەیان ب خۆڤە بگریت و تێدا هەڤپشک بن. هەروەسا، دووپاتی ل سەر پێدڤییا بەردەوامییا ڕاوێژ و هەماهەنگیێ کر، ئەو ژی ژ پێخەمەت ل بەرچاڤگرتنا بەرژەوەندییا هەمی ئالیان و پاراستنا ئاشتییا جڤاکی.