ب توندترین شێوە سەرکۆنەیا وی کاری نەشیاو و تێکدەر دکەین کو ل قەزا کۆیێ دژی چەندین گۆرێن خوشک و برایێن کریستیان هاتیە کرن. ئەڤ کردارە، ب هەمی شێوەیان شەرمەزار دکەین و داخوازێ ژ دامودەزگەهێن حکومەتێ دکەین کو دەستبەجێ لێکۆلینێن پێدڤی بکەن بۆ دیتنا تاوانباران و سزادانا وان. هەروەسا گۆرستانێ ژی، ب فەرمانا رێزدار سەرۆکێ حکومەتا هەرێما کوردستانێ دێ هێتە نۆژەنکرن.
کریستیان پێکهاتەیەکێ رەسەنێ کوردستانێ نە و هەرێما کوردستانێ وەکی هەردەم، مەڵبەند و نموونەیەکێ گەشێ ب هەڤرەژیانا ئاشتیانە و تەباییێ د ناڤبەرا هەمی پێکهاتەیان دا بوویە و رێ ژی ب چ کەسەکی نادەین کو وی رەوشی تێک بدەت.
نووسینگەها سەرۆکێ حکومەتا هەرێما کوردستانێ
