میر حازم تەحسین بەگ بۆ جڤاتا نێڤدەولەتی: د هەوارا ئێزدییێن حەلەبێ هەرن، ڕەوشا وان گەلەك یا خرابە
هەڤپەیمانییا كریستیانان و میر حازم تەحسین بەگ میرێ ئێزدییان د پەیامەكێدا ڕاگەهاند، ڕەوشا كوردێن ئێزدی ل باژێرێ حەلەب یێ سووریا گەلەك یا خرابە، داخوازێ ژ جڤاتا نێڤدەولەتی دكەن د هەوارا وان بچیت.
میر حازم بەگی دیاركر، ئەو ئێزدییێن ل حەلەبێ ئاسێ ماین، د ڕەوشەكا مرۆڤی یا دژواردا ژیانا خۆ دبوورینن، هیڤییا وان ئەوە ئەو سڤیلێن ل حەلەبێ ماین هەموو بهێنە پاراستن.
ئاشكرا ژی كر، ڕەوش گەلەك یا ئالۆزە، ئەگەر ئەڤ شەرە نەهێتە ڕاوەستاندن دوور نینە كارەساتەكا دی وەكو یا شنگالێ ل سالا 2014ێ ڕوو بدەت.