ناڤەندا نووچەیان
تۆم باراك، هنارتییێ تایبەت یێ ئەمریکا بۆ سووریا د ئێکەم کارڤەدانا فەرمی دا، دەربارەی ئالۆزییێن حەلەبێ گازییەکا بلەز ئاراستەی دیمەشق و هەسەدێ دکەت ژ بۆ ڕاوەستاندنا شەڕی.
ئەمریکا د ئێکەم کارڤەدانا خۆدا بەرامبەر ئالۆزییێن حەلەبێ، گازیەکا بلەز ئاراستەی دیمەشق و هەسەدێ دکەت و داخواز بلەز ڕاوەستاندنا شەڕی دکەت.
باراك نهێنیەکێ ئاشکرا دکەت و دبێژیت:”حەفتییا بووری نێزیکی ڕێککەڤتنێ بووینە، هەڤدەم باس ل دانوستاندنا “دیرۆکی” یا دناڤبەرا سوووریا و ئیسڕائیلێ دا دکەت”.
ئەڤرۆ پێنچشەمبی 8ــیکانوونا دووێ 2026ــێ، تۆم باراك، هنارتییێ تایبەت یێ ئەمریکا بۆ سووریا د ڕاگەهاندنەکێدا دلگرانییا خۆ دەربارەی ڕەوشا تاخێن ئەشڕەفییە و شێخ مەقسوود دیارکر.
گازییا تۆ باراك ژ بۆ دیمەشق و هەسەدێ:
تۆم باراك دبێژیت:”گازییەکا بلەز ئاراستەی سەرکردایەتییا حکومەتا سووریا، هەسەدێ، دەستهەلاتێن خۆجهی ل دەڤەرێن کوردی و هەموو لایەنێن چەکداردکەین: کارێ دووژمنکاری ڕاوەستینن و ئێکسەر توندوتیژییان کێم بکژەن”.
ڕێککەڤتنا 10ـی ئادارێ و نهێنییا حەفتییا بووری:
هنارتییێ تایبەت یێ ئەمریکا دیارکر، کو پڕۆسەیا تێکەلکرنا هێزان د قۆناغا دووماهییێ دابوویە و دبێژیت:”ب تنێ ل حەفتییا بووری، ئەم د سەروبەندا ب دووماهیئینانێدابووین ژ بۆ ڕێککەڤتنا تێکەلکرنێ یا 10ــی ئادارا 2025ــی، دناڤبەرا هەسەدێ و حکومەتا سووریا دا”.
باراك دبێژیت:”هێشتا د شیاندایە ئەو ڕێککەڤتنە بهێتە بجهئینان”.
دانوستاندنێن سووریا و ئیسرائیلێ:
د پشکەکا دی یا ڕاگەهاندنێدا، تۆم باراك پشتڕاستکر کو دانوستاندن دناڤبەرا دیمەشق و تەلئەڤیڤ دا هەبویە و دبێژیت:”ئەو دانوستاندنێن گرنگ یێن ل ئەڤێ حەفتییێ دگەل نوونەرێن ئیسڕائیلێ هاتینە کرن، پێنگاڤەکا ئێکلاکەرن بەرەڤ ئاستەکێ هەرێمی یێ بەرفرەهتر”.
دیتنا ئەمریکا بۆ پێکهاتەیان:
باراکی دووپاتکر، کو دیتنا ئەمریکا بۆ سووریا پێکهاتیە ژ دابینکرنا مافێ یەکسانبۆ هەموو پێکهاتەیان بێی جێوازی، ژ وانژی:”سوننە، کورد، درووز، کریستیان و عەلەوی.”
ل دووماهییێ هشیاری دا ژ “هێزێن دەرەکی یێن تێکدەر و بریکارێن وان” کو دڤێت دەستپێشخەرییێن سەرۆکێ ئەمریکا تێکبدەن و گۆت:”لاپەرێ نوو یێ سووریا بۆ هەڤکارییێ یە، نەك ململانێ”.
ئەڤ داخویانییا هنارتییێ ئەمریکا د دەمەکی دایە، ڕەوشا حەلەبێ گەهشتیە گوپیتکا ئالۆزیان.