شێخان میدیا
• ئەو زێدەگاڤیێن مەترسیدار یێن کو گەڕەکێن (ئەشرەفیە و شێخ مەقسود) ل حەلەبێ کرینە ئارمانج، هەولەکا ئاشکرایە بۆ کۆچبەرکرنا برایێن کورد و سەپاندنا راستیەکا دیمۆگرافی یا ب زۆری، کو ئەڤە ب خۆ تاوانەکا پاقژکرنا نەژادی یا تمامە.
• ئەم پشتەڤانیا خۆ یا تەمام بۆ برایێن خۆ یێن کورد رادگەهینین و دەستخۆشیێ ل خۆڕاگری و هەلویستێن وان دکەین، هەروەسا پشتەڤانیا راگەهاندنا (نەفیرا گشتی) دکەین بۆ بەرهنگاربوونا ڤان هێرشان.
• ئەم بانگەوازەکا بلەز ئاراستەی جڤاکێ نێودەوڵەتی، ویژدانا زیندی، هەمی رێکخراوێن نێودەوڵەتی و مافێن مرۆڤی و خودان بڕیاران دکەین.
• داخوازا دەستێوەردانەکا نێودەوڵەتی یا کارا و بلەز دکەین بۆ پاراستنا سڤیلان.
• داخوازا راگەهاندنا راوستاندنا شەڕی ب شێوەیەکێ گشتی و بلەز ل هەمی ئاخا سوریا دکەین.
• داخوازا دەستپێکرنا پرۆسەکا سیاسی یا تەبایی دکەین کو ببیتە ئەگەرێ دانانا دەستوورەکێ نیشتمانی یێ فیدرالی، لامەرکەزی و سیاسی یێ گشتگیر.
• داخوازا بجهئینانا بڕیارێن نێودەوڵەتی یێن ژمارە (2254 و 2799) دکەین.
• هەر گیرۆبوونەک د هەلگرتنا بەرپرسیاریا نێودەوڵەتیدا، دێ بیتە ئەگەرێ زەرەر و زیانێن مرۆڤی و سیاسی یێن گەلەک مەزنتر.