نێچیرڤان بارزانی:جەختێ ل سەر وێ چەندێ دکەینەڤە کو پێدڤییە مافێن کوردان و هەمی پێکهاتەیان ل سووریا د پاراستی بن
ئەم ل هەرێما کوردستانێ ب نیگەرانییەکا مەزن ڤە تەماشەی بەردەوامییا پێکدادان و ڕووبەڕووبوونەوەیێن سەربازی د ناڤبەرا هێزێن سوپایێ سووریا و هەسەدێ دا دکەین. بەردەوامبوونا شەڕ و پێکدادانان گەفەکا جدی ل سەر ئارامی و سەقامگیرییا سووریا و دەڤەرێ ب گشتی پەیدا دکەت و مەترسییا سەرهەلدانەڤەیا داعشێ دئینیتە پێش.
هەر ژ دەستپێکا دروستبوونا ئالۆزییان، ئەم بەردەوام دگەل لایەنێن هەرێمی و نێڤدەولەتی د پەیوەندیێ دانە بۆ ڕاگرتنا شەڕ و پێکدادانان و گرتنەبەرا ڕێکا دیالۆگ و لێکتێگەهشتنێ ژ پێخەمەت چارەسەرکرنا ئاشتییانە یا کێشەیان. ئەم دووپات دکەین کو شەڕ و ڕووبەڕووبوونەوەیێن سەربازی چ کێشەیان چارەسەر ناکەن و دۆخی ئالۆزتر دکەن.
داخوازێ ژ هەڤپەیمانییا نێڤدەولەتی دکەین ئەرکێ خۆ د پاراستنا سەقامگیریێ و ڕێگریگرتن ل سەرهەلدانەڤەیا داعشێ جێبەجێ بکەت. هەروەسا دووپات دکەین کو ئەم یێ ئامادەینە هەمی هاریکاری و یارمەتییان پێشکێش بکەین ب مەبەستا ڕاگرتنا شەڕی و گەهشتن ب ئاگربەست و ڕێککەفتنێ. جەختێ ل سەر وێ چەندێ دکەینەڤە کو پێدڤییە مافێن کوردان و هەمی پێکهاتەیان ل سووریا پاراستی بن و د دەستوورێ بهێت یێ سووریا دا بهێنە مسۆگەرکرن.