پەیامەک ژ سەرۆک بارزانی بۆ ڕاییا گشتی

ب نیگەرانییەکا مەزن و ب هووری دووڤچوونا دوایین پێشهات و ڕووداوێن سووریا و ڕۆژئاڤا دکەین. د ڤی بارودۆخێ هەستیار دا، پێدڤییە هەمی لایەن ب بەرپرسیارانە و دوور ژ عاتیفەیێ ڕەفتارێ بکەن و نەکەنە ئەگەر کو زیان ب خوشک و برایێن مە ل ڕۆژئاڤا بکەڤیت، کو ب چو ڕەنگان ناهێتە قبوولکرن.

مە هەمی بزاڤێن خۆ ئێخستینە گەڕ و د بەردەوامین دا کو خوشک و برایێن مە ل ڕۆژئاڤا تووشی کارەسات و نەهامەتییان نەبن.

ژ لایەکێ دی ڤە، د ڤی بارودۆخێ ئالۆز یێ دروست بووی دا، مەترسییا سەرهەلدانەڤەیا داعش و تیرۆرێ ژی یا هەی، کو ب خۆ گەفەکا زێدە جدییە ل سەر سەقامگیری و ئاسایشا دەڤەرێ.

ل ڤێرێ داخوازێ ژ کۆمەڵگەها نێڤدەولەتی و هەڤپەیمانان دکەین کو ب ئەرک و بەرپرسیارەتییا خۆ ڕاببن و ئێکسەر گرژی و شەڕ و پێکدادان بهێنە ڕاگرتن و ئاگربەستەکا سەرتاسەری بهێتە ڕاگەهاندن، و کێشە ب شێوازەکێ ئاشتییانە و ب ڕێکا دیالۆگێ بهێنە چارەسەرکرن.

مەسعوود بارزانی

٢٠ی کانوونا دوویێ ٢٠٢٦