سەرۆك بارزانی و وەزیرێ دەرڤە یێ ئیتالیا کۆمبوون
د چوارچووڤەیێ سەرەدانا خۆ دا بۆ ئیتالیا، ئەڤرۆ چارشەمبی 21ــی کانوونا دووێ 2026ــێ، ل ڕۆما سەرۆك مەسعود بارزانی و ئەنتۆنیۆ تایانی، جێگرێ سەرۆکوەزیران و وەزیرێ دەرڤە یێ ئیتالیا کۆمبوون.
د کۆمبوونێدا ڕەوشا سیاسی و دووماهی پێشهاتێن دەڤەرێ و سووریا ب گشتی و و مەترسییێن سەرهلدانا داعش گۆتووبێژکرن.، هەروەسا دووپات ل پێدڤییە چارەسەرکرنا ئاریشە و ئالۆزیان ب ڕێکا دیالۆگ و گۆتووبێژێن ئاشتیانە کر کو دوور ژ توندوتیژی و شەڕ و پێکدادانا بیت.
د پشکەکا دی یا کۆمبوونێدا، وەزیرێ دەرڤە یێ ئیتالیا پەسنا ڕۆلێ حەکیمانە یێ سەرۆك بارزانی د پاراستنا پێکڤەژیان و ئارامییا ل عیراق و کوردستانێ کر و هەروەسا پێزانین بۆ بزاڤێن سەرۆك بارزانی هەبوون بۆ گەهشتن ب ئاشتی و ئارامییا ل سووریا ژ بۆ کو گەلێ کورد ل سووریا تووشی نەهامەتییان نەبیت.
پەیوەندییێن دناڤبەرا هەرێما کوردستانێ و ئیتاڵیا تەوەرەکێ دی یێ ئەوێ دیدارێ بوون، هەردوولا هەڤڕابوون ل سەر گرنگیدان و زێدەتر بەرەڤ پێشخستنا ئەوان پەیوەندیان د هەموو بواراندا.
هەروەسا وەزیرێ دەرڤە یێ ئیتاڵیا پشتەڤانییا وەلاتێ خۆ بۆ حکومەتا هەرێمێ و گەلێ کوردستانێ دووپاتکر.