ژبۆ زانایان ئاشکرا بوویە کو زێدەکرنا هەر جۆرەکێ فێقیێ هشککری بۆ خوارنا سپێدەهیان، ئەگەرێ مرنێ ب نەخۆشیێن دلی ب رێژەیا 18% و شێرپەنجێ ب رێژەیا 11% کێم دکەت.
– ئەڤ ڤەکۆلینە ل زانکۆیا زانست و تەکنەلۆجیا ل چینێ هاتیە ئەنجامدان، و تێدا شیکارکرن کا خوارنەکا ساخلەم ل سپێدەهینان چەوا کاریگەریێ ل سەر ژیێ مرۆڤی دکەت، بۆ ڤێ مەرەمێ ژی چاڤدێریا خوارنا 186 هزار کەسان کریە.
زانا وەسا هزر دکەن فێقیێن هشککری بەرهنگاریا نەخۆشیان دکەن، چونکی پرۆسەیا هشککرنێ چڕییا ماددەیێن خۆراکی یێن سروشتی و ڕیشاڵان د هەر پارچەکێ دا زێدە دکەت، هەروەسا ژێدەرەکێ دەوڵەمەندە ب دژە-ئۆکسانێن بێهێز کو دشێن مرۆڤی ژ نەخۆشیێن دل و شێرپەنجێ بپارێزن.
– داتا ئاماژێ ب وێ چەندێ دکەن کو زێدەکرنا مێویژان بۆ تێشتێ دبیتە ئەگەرێ کێمکرنا مەترسیا تووشبوون ب نەخۆشیێن دلی ب رێژەیا نێزیکی 18%.
– مێویژ ژێدەرەکێ گرنگ یێ ڕیشاڵێن خۆراکی و پۆلیفینۆڵانە، و مەترسیا تووشبوون ب نەخۆشیێن دل و دەماران کێم دکەت ب رێکا کاریگەریێ ل سەر میتابۆلیزما چەورییا پرۆتینی و هەوکرنێ.
– ڤەکۆلەران دیار ژی کر کو گوهۆڕینا تێشتێ بۆ ژەمەکێ تەندروست یێ دەوڵەمەند ب فێقیێن هشککری و دەخلودانێ تەمام، رەنگە پێنگاڤەکا سادە بیت بەرەڤ ژیەکێ درێژتر و ساخلەمتر.
