نیشتیمان، سیمبۆلا رەتکرنا سڤکایەتیێیە.
بێوار عەبداللە
ماوەکێ درێژە کەنالێ NRT خو وەکی کەنالەکێ ئۆپۆزسیۆن نیشاندایە لێ ئۆپۆزسیۆنبوون رامانا سڤکایەتی ب نشتیمان و پیرۆزیێن وەلاتی نینە، جوداهی دناڤبەرا رەخنەیێ پیشەیی و شکاندنا بێ رێزی گەلەک روون و ئاشکرایە، و ئەو سنوورێ د رۆژنامەڤانیێ دا دڤێت بهێتە پاراستن، دپێنگاڤێن داویێ ڤێ کەنالێ دا هاتە دەربازکرن،
ل چەند رۆژێن بووری دا ، لدەمێ بەرێز (مسرور بارزانی) سەرۆکێ حکومەتا هەرێما کوردستانێ ل فرۆکەخانەیا نیڤ دەولەتیا هەولێرێ پێشوازیەکا فەرمی لسەر ئاستێ نیڤدەولەتی ل شاندەکێ بلندا چارچووڤەیا هەماهنگی کر ب مەبەستا چەند پرسێن گرنگ، کەنالێ NRT وێنەیێ (بارزانی نەمر) ل هۆڵا پێشوازیێ شێواند و ب ئاوایەکێ ب مەبەست،
ئەڤ کریارە نەتنێ رەخنە نینە، بێ رێزیا ئاشکرایە ل هەمبەری سیمبولێن وەلاتی و تایبەت ل جهەکێ کو دڤێت جهێ ئێکگرتن و شانازیا نشتیمانی بیت،
رۆژنامەڤانی، ئەگەر پیشەیی بیت دڤێت :
* رەخنا بگریت، نەشکاندن
* پرسیارا بکەت، نەمژارا بگهوریت
* هوشیاریێ بدەت، نەبکەتە هەوار و قیری
فرۆکەخانەیا نیڤدەولەتیا هەولێرێ مالا هیچ پارت و لایەنێن سیاسی نینە فرۆکەخانە روویێ هەرێما کوردستانێ یە هەمبەرێ جیهانێ، هەر کریارەکێ نەشرین ل وی جهی سیمبولا وەلاتی سڤک دکەت، و راستەراست کاریگەری لسەر وێنەی گشتیێ کوردستانێ دکەت، نەتنێ کاریگەری لسەر کەس و دەستهەلاتێ دکەت،
ئۆپۆزسیۆنبوون ئەگەر ل چارچوڤێ رێز و ئەخلاق و پیشەیی نەبیت، دێ خۆ گهوریت بۆ تێکشکاندن و سڤکایەتیکرن، ئەڤەژی ب هیچ شیوەیەکێ خزمەتا ئازادی و راگەهاندنێ ناکەت،
ئازادی، بێ سنوور نینە؛ سنوورێ ئەخلاق و نشتیمان و بەرپرسیاریەتیا جڤاکی هەیە.
لدوماهیکێ پێتڤی یە هەمی کەنال و راگەهاندن ب تایبەت ئەوێن خۆ ب ئۆپۆزسیۆن نیشان داینە بلا ژبیرنەکەن نشتیمان ملکێ هیچ لایەنەک نینە، سیمبولا هەمیانە سڤکایەتی ب نشتیمان و پیرۆزیێن وەلاتی سڤکایەتیە ب خۆ.
ڕەخنە، بێژە.
پرسیارا ، بکە.
بەلێ وەلات بێ رێز نەکە.