ئەڤرۆ دوشەمبی، 16ی ئادارا 2026 ێ، سهرۆك مهسعود بارزانی، د 38ەمین سالڤەگەرا کیمیابارانا هەلەبجە دا پەیامەك بەلاڤکر و تێدا دیارکر، کیمیابارانکرنا هەلەبجە ستهمهكا مهزن بوو ل دژی خەلكێ کوردستانێ و ل چ جوهێن جیهانێ نهبوویه، دهولهتهك وهلاتییێن خۆ ب چهكێ كیمیای جینۆساید بكهت، لێ دناڤ عێراقێدا ئەو تاوانا مەزن دژی گەلێ کوردستانێ هاتە ئەنجامدان.
گۆت ژی، سەرەڕای وێ تاوانا دڕندانە، هێشتا ل عێراقێ کەسێن شۆڤینی هەنە کو دژی مافێن گەلێ کوردستانێ نە.
سهرۆك بارزانی ڕاگههاند، تاوانا هەلەبجە و هەموو تاوانێن بووری بەرپرسیارەتیەکا دیرۆكی و قانوونییه ل سەر ملێن عێراقێ و دڤێت قەرەبوویا گەلێ کوردستانێ بکەت، د ڤێ ڕۆژێدا سلاڤان بۆ روحا پاقژا شەهیدێن هەلەبجە و هەموو شەهیدێن کوردستانێ د هنێرین.