شێخان میدیا
پەیاما پیرۆزباهیا سەرۆکێ حکومەتا هەرێما کوردستانێ ب هەلکەفتا جەژنا نەورۆزێ
ب هەلکەفتا هاتنا جەژنا نەورۆزێ و سەری ساڵا نوو یا کوردی ٢٧٢٦، گەرمترین پیرۆزباهیان ئاراستەی گشت کوردستانییان دکەم، ب تایبەتی پێشمەرگێن قەهرەمان و هێزێن ئاسایشا ناڤخۆ و کەس و کار و بنەمالێن سەربەرزێن شەهیدان و ئەنفالکریان، و هیڤیا شادی و ساخلەمیێ بۆ وان دخوزم.
جەژنا نەورۆزێ بۆ گەلێ کوردستانێ، نیشانا سەرکەفتن و ئازادیێ و بەرهنگاربوونا زۆرداران و هاتنا بهارێ و دەسپێکرنا ژیانەکا نوو یە. هیڤیدارم ئەڤ نەورۆزە ببیتە دەسپێکا قۆناغەکا تژی ئاشتی و تەناهی د ژیانا خەلکێ کوردستانێ دا و دوماهیک هاتنا شەڕ و نەخۆشیان ل دەڤەرێ و جیهانێ ب گشتی.
سوپاسیا خۆڕاگریا خەلکێ کوردستانێ دکەم کو مخابن، ژ بەر هێرشێن نەڕەوا و تیرۆریستیێن هێز و میلیشیایێن ژ یاسایێ دەرکەفتی، هەرێما کوردستانێ و ژیانا وەلاتییان بەرەڤ روویێ رەوشەکا نەخوازراو بوویە. ل ڤێرێ خەلکێ کوردستانێ پشتراست دکەین کو دێ هەمی شیانێن خۆ ئێخینە گەڕ بۆ پاراستنا کوردستانێ و دویرئێخستنا وێ ژ هەر مەترسیەکێ. سوپاسیا هێزێن ئاسایشا ناڤخۆ و هێزێن هەڤپەیمانان و لایەنێن پەیوەندیدار و فەرمانگەهێن خزمەتگوزاری یێن حکومەتا هەرێما کوردستانێ دکەین بۆ بزاڤ و ماندیبوونا وان و بجهئینانا ئەرکێن وان ب کارامەیی و لێهاتوویی.
هیڤیدارم ئەڤ رەوشا سەخت د پاشەرۆژەکا نێزیک دا ب دوماهیک بهێت و هەرێما کوردستانێ وەک هەر دەم یا بەردەوام بیت د پێشکەفتن و گەشەکرن و ئاڤادانیێ دا.
جەژنا نەورۆزێ ل هەوە هەمیان پیرۆز بیت و هەر د خۆشی و تەبایی و تەناهیێ دا بژین.
مەسرور بارزانی
سەرۆکێ حکومەتا هەرێما کوردستانێ
٢٠٢٦/٣/٢٠