شێخان میدیا
دبیت پڕسیار بۆ هەر تاکەکەسێ کورد چێبن کو جیاوازییا شۆرشا ئەیلۆلێ دگەل شۆرشێن بەری وێ چ بوون و بووچ شیا ب سەرکەڤیت ، راستە هندەکجار ڕاوەستانەکا دەمکی هەبوویە لێ بۆ ئێکجاری نەڕاوەستایە و هەر بەردەوامی دایە بزاڤێ و د ئەنجامێن وێ ژی کیانەکا کوردی بناڤێ هەڕێما
کوردستانا باشوور دروست بوو.
گۆمان نینە شۆڕشەکا وەسا گشتگیر و بەرفرە ب سەرکردایەتییا مەلا مستەفا بارزانی ل 1961ێ تەژی روودانێن جواروجۆر و مێژوویەکا پڕ سەروەری بوو لەوما د چەند ڕێزێن نڤیسینێدا ناگۆنجن بەلێ دێ ئاماژێ دەینە چەند خالێن گرنک
ئێکەمین پێنگاڤا مەزن شیا باوەرییێ بۆ هۆز و عەشیرەتێن کورد چێبکەت و هەمیان بهێنیتە ژێری ئیک ڕێک و ئێک فەرمان ئەڤ چەندە مەزنترین وەرچەرخانا مێژوویی بوو کو چ شۆڕشێن بەری وێ نەشیان هەمی عەشیرەتان کۆم بکەنە ژێر ئیک دستوور وئیک فەرمان..لەوما ئەڤە بۆ ب ئەگەرێ باوەری وپشتگەرمییا جەماوەر و مللەتی ب گشتی و هێزاشۆرشێ چەند بەرامبەرکر چۆنکە پەرتەوازییا عەشیرەتان و سیستەمێ فئودالیسمێ مەزنترین ئارێشە و مەترسیبوون ژ بۆ شۆرشێن کوردی لەۆما سیاسەتا حەکیمانە یا بارزانیێ نەمر شیا هەمیان ل ژێر ئێک چەتر بجەمینیت و سەرەدەرییەکا باش ب هزرەکا بەرز دگەل وان بکەت ل دویڤ بارەدۆخی وی سەردەمی چونکە هەر سەردەم و بارەدۆخەک سیاسەت کونجای بو وی دەمی دڤێت کو بارزانیێ نەمر بۆ ڤە چەندێ د کوپیتکا هێزا عەقل وسیاسەتێدا بوو
دێ شێین بێژین شۆرشا ئەیلولێ شیا ژ چارجۆڤێ شۆڕشێ ب تنێ ژی دەرکەڤیت و وەک حکومەتەکا نیمچە لۆکالی لێ بهێت ل وی سەردەمیدا..بۆ نمۆنە دناڤ چل وچیاندا قۆتابخانە هەبوون..ڕێکخراوێن جەماوەری هەبوون..دادگە هەبوون..ل وی دەمی هەوالگرییەکا بهێز هەبوو..زیندان هەبوون..حۆکم و سەزا هەبوون د بەردەومییا شۆرشێ .ئافرەتان هاتە دامەزراندن..قوتابییان ولاوان هاتە دەمەزراندن.نڤیسین و ڕەوشەنیری بردەوام بوو..خۆلێن هەمەڕەنگ بۆ کادر وئەندامان ب بەردەوامی هەبوون و نیمچە ئێزگەژی هەبوون ژ بۆ گەهاندنا دەنگێ شۆرشێ و …هتد..
.لەوما وەک ئەندامێن جەستەی هەمییان کارێ خو دکر و جەستە پێ تەمام بوو و هەمی چوونە ژێر تەڤنێ شۆرشێ