شێخان میدیا
ب توندی سەرکۆنەیا وێ هێرشا مووشەکی یا ئیرانێ دکەین، ئەوا سپێدێیا ئەڤرۆ بارەگایێن هێزێن پێشمەرگەی ل سنوورێ سۆران کرینە ئارمانج و د ئەنجامدا ژمارەکا پێشمەرگەیێن قارەمان شەهید و بریندار بووین. پرسه و سەرەخۆشیێن خۆ یێن کویر ئاراستەی بنەمال و کەسوکارێن سەربەرزێن شەهیدان دکەین و هەڤپشکێن خەما وانین، هیڤیا چاکبوونەوا لۆبەلۆ ژی بۆ برینداران دخوازین.
هەرێما کوردستانێ هەر دەم فاکتەرێ ئارامی و سەقامگیریێ بوویە. ئەم پابەندین ب سیاسەتا تێوەنەگلان و دویرکەفتنێ ژ هەڤرکیان، ب چو رەنگەکی ژی مەترسی نینین بۆ سەر ئاسایشا وەلاتێن جیران. لەوما ئەڤ هێرشە، دەستدرێژیەکا دوژمنکارانەیا راستەوخۆیە بۆ سەر سەروەریا وەلات و چو هێجەتان هەلناگریت و ب تەمامی دژی بنەمایێن جیرانەتیا باشە.
داخوازێ ژ حکوومەتا فیدرالا عێراقێ و جۆمەڵگەها نێودەولەتی دکەین هەولێن خۆ چڕتر بکەن بۆ رێگریکرنێ ژ دووبارەبوونا ڤان دەستدرێژیان و پاراستنا سەروەریا ئاخا عێراقێ و هەرێما کوردستانێ.