شیخان میدیا
ڕۆژا یەکشەمبی ٢٩ ی ٣ ی ٢٠٢٦، دەواما ناڤەندێن خواندنێ یێن حکومی، نەحکومی و نێڤدەولەتی دێ دەستپێکەتەڤە، ب ڕەچاوکرنا ئەڤان خالان: ١- هەر خودانێ قوتابیەکێ (وەلی ئەمری) ئەگەر نەڤێت زارۆکێ وی د پۆلا فیزیکی یا قوتابخانێ دا ئامادە ببیت، (نەهاتن – غیابات) ل سەر ناهێتە تۆمارکرن و دشێت د قوتابخانەیێن حکومی و نەحکومی یێن سەر ب سیستەمێ وەزارەتا پەروەردێ ڤە، مفا ژ پلاتفۆرمێن خواندنا ئەلەکترۆنی وەربگریت (کو دگەل ئەڤێ ڕاگەهاندنێ ئاماژە پێ هاتیە دەستنیشانکرن). تەنێ د دەمێ ئەزموونان (تاقیکردنەوان) دا ب گۆرەی خشتێ ئەزموونێن قوتابخانێ و وەزارەتێ، دێ د قوتابخانێ دا ئامادە بیت، بۆ ئەڤێ چەندێ ژی پێدڤیە خودانێ قوتابی فۆرمەکا تایبەت ل قوتابخانێ پڕ بکەتەڤە. هەروەسا مامۆستا دێ ب ڕێکا گرووپێن قوتابخانێ یان ئەپلیکەیشنا (ئی-هەلسەنگاندن) ئەرکێ مالێ بۆ وان قوتابیان هنێرن یێن کو خواندنا ئەلەکترۆنی هەلبژارتی. ٢- قوتابیێن قوتابخانەیێن نێڤدەولەتی ئەگەر خودانێن وان ڕازی نەبن زارۆکێن خۆ بفرێکنە قوتابخانێ، پێدڤیە قوتابخانەیا نێڤدەولەتی ب ڕێکا ئۆنلاین، ئەلەکترۆنی یان هەر ڕێکەکا دی خواندنێ بۆ دابین بکەت و تەنێ د دەمێ ئەزموونان دا پێدڤیە د قوتابخانێ دا ئامادە بن. ٣- قوتابخانەیێن بیانی دشێن ب هەمان شێوە مفا ژ خالا (٢) وەربگرن، یان دشێن بڕیارێ بدەن تەڤایا خواندنا خۆ بکەنە ئۆنلاین یان ئەلەکترۆنی، ب گۆرەی بڕیارا دەستەیا کارگێڕیا قوتابخانەیا خۆ. ٤- ب مەرەما پشتڕاستکرنا قوتابیێن پۆلا ١٢ ئامادەیی و ٩ بنەڕەتی یێن کو ئەزموونێن نشتیمانی و وەزاری یێن هەین، ئاگەداریان دکەین کو وەزارەت دەربارەی ئەزموونێن وان دێ ساڵنامەیا خواندنێ بۆ هەموار کەتەڤە (دەستکاری کەتەڤە). 
ژ پۆلا ١ بنەڕەتی تا ١٢ ئامادەیی (قوتابخانەیێن حکومی و نەحکومی) دشێن مفا ژ خواندنا ئەلەکترۆنی وەربگرن ب ڕێکا پلاتفۆرما (ئی-وانە) کو د نوکە دا کارایە: https://ewane.krd 
ژ پۆلا ١ تا ٦ بنەڕەتی پلاتفۆرما کارلێکارانە یا دیجیتاڵی (قوتابخانەکەم) نوکە کارایە بۆ قوتابیێن قوتابخانەیێن حکومی: https://qutabxanekem.krd وەزارەتا پەروەردێ ٢٧ ی ٣ ی ٢٠٢٦