د کۆمبوونێ دا دێ بەحس ل پرسا مووچەیێ مەها سێ و سێ پرسێن دی یێن گرنگ گرێدای ژیانا وەلاتییێن هەرێمێ هێتەکرن.
شاندێ هەرێما کوردستانێ دێ داخواز کەت ئەو 120 ملیار دینارێن داهاتێ ناڤخۆ یێن بۆ مەها سێ هاتینە دیارکرن بهێنە کێمکرن.
چونکی ئەڤە بوویە تاکە ڕێگر ل هەمبەر هنارتنا مووچەی.
شاندێ هەرێمێ ڕاپۆرتەکا هویر ل سەر داهات و مەزاختیێن هەیڤا سێ ئامادەکریە و دێ پێشکێشی سوودانی و تەیف سامی کەت.
دهێتە چاڤەڕێکرن پشتی دانوستاندنان، داخوازیا هەرێما کوردستانێ ب نڤیسارەکا فەرمی ببەنە ناڤ کۆمبوونا ڕۆژا سێشەمبی یا جڤاتا وەزیرێن عێراقێ و ل وێرێ ب کۆدەنگی بڕیارا دوماهییێ ل سەر بهێتە دان.