ناڤەندا نوچەیان
بەریتانیا داخوازیا سزادانا ئەنجامدەرێن هێرشا سەر کێلگەها غازا کۆرمۆر دکەت و دبێژیت “پشتەڤانیا هەولێن پاراستنا دامەزراوەهێن بنچینەیی دکەین.”
ئەڤرۆ پێنجشەمبی، 27/ی تشرینا دووێ یا 2025، عیرفان سددیق، بالیۆزێ بەریتانیا ل بەغدا د پۆستەکێ دا ل تۆرێن جڤاکی یێن ئێکس، ب “توندی” هێرشا شڤێدی (چوارشەمبی، 26/ی تشرینا دووێ) یا سەر کێلگەها غازا کۆرمۆر، شەرمەزار کر.
وەکوو دیارکری د ڕاگەهاندنێ دا هاتیە “هێرشکرنا سەر هەر ژێرخانەکا بنەڕەتی هەڕەشەیێ ل سەر جێگیرییا عیراقێ و سەلامەتیا گەلێ وێ دکەت.”
بالیۆزێ بەریتانیا دووپاتیێ ل سەر دکەت کو، “ل گەل هەڤبەشێن عیراقێ ڕاوەستیایە و پشتەڤانیا هەولێن پاراستنا دامەزراوەهێن بنچینەیی دکەت.” هەروەسا داخوازێ دکەت، لێپرسینێ ل گەل وان بکەن ئەڤێن بەرپرسیار ژ هێرشێ.