شێخان میدیا
ب توندی سەرکۆنەیا وێ هێرشا تیرۆرستی دکەم کو درەنگی شەڤا بورى ب درۆنێ هاتیە کرنە سەر مالا وەلاتیەکێ ل گوندێ زەرگەزەوی یێ سەر ب پارێزگەها هەولێرێ ڤە، و د ئەنجامدا مخابن دوو هەڤژین شەهید بوون.
پرسە و سەرەخۆشیێن خوە یێن کوور ئاراستەی بنەماڵە و کەسوکارێن شەهیدان دکەم، ژ دل ڤە هاوسۆز و هاوخەمێ وانم. ژ خودایێ مەزن داخوازکارم گیانێ وان ب بەزەیی و میهرەبانیا خۆ شاد بکەت و سەبر و هەدارێ ب بنەماڵە و کەسوکارێن وان ببەخشیت.
ئەڤ هێرشە ب چو رەنگان نەیێن قبوولکرنێ نە و ب تەمامی رەتکری نە. پێدڤیە حکوومەتا فیدراڵیا عێراقێ ئەرک و بەرپرسایەتیا خۆ جێبەجێ بکەت بۆ رێگریکردنێ ل ڤان تاوان و هێرشێن تیرۆرستی، و ئێدی ئەڤ دەستدرێژیێن ل سەر خەلکێ سڤیل و بێتاوانێ هەرێما کوردستانێ دووبارە نەبنەڤە.