شێخان میدیا
ڕاگەهاندنەک ژ وەزیرێ پێشمەرگەی
ب توندی سەرکۆنەیا وی هێرشا تیرۆرستییا ئەڤ شەڤە دکەین، یا کو ب ڕێکا درۆنێن بۆمبڕێژکری هاتیە کرن بۆ سەر گوندێ (زەرگەزەوی) ل سنوورێ باژێرێ هەولێرێ. ب داخەکا مەزن ڤە، ئەڤ هێرشا درندانە بوو ئەگەرێ شەهیدبوونا پێشمەرگەیەکێ قارەمان ب ناڤێ (مووسا ئەنوەر ڕەسووڵ) و هەڤژینا وی.
ئارمانجکرنا خەلکێ سڤیل و بەزاندنا هەمی سنوورێن یاسایی و مرۆڤایەتی و پێشێلکرنا شکۆیا سەروەریا ئاخا هەرێما کوردستانێ و عێراقێ؛ هەرەشەکا ئێکەسەرە بۆ سەر ئاسایشا دەڤەرێ.
دوپات دکەین کو گیانێ هەمی وەلاتییان و سەروەریا ئاخا مە هێلا سوورە. داخوازێ ژ حکومەتا فیدرال و جڤاکێ نێڤدەولەتی دکەین هەلویستەکێ کریاری هەبیت و ل هەمبەر ڤان تاوانان بێدەنگ نەمینن.
ب ناڤێ وەزارەتا پێشمەرگەی و هێزێن پێشمەرگێ کوردستانێ، سەرەخۆشیێن خوە یێن کویر ئاراستەی بنەمالا شەهیدان دکەین و نەمری بۆ شەهیدێن مە یێن سەربلند.
شۆڕش ئیسماعیل
وەزیرێ پێشمەرگەیێ حکومەتا هەرێما کوردستانێ
نیسانا ٢٠٢٦