فەرمانگەها پەیوەندیێن دەرڤە یا حوكمەتا هەرێما كوردستانێ، ب فەرمی نەرازیبوونا خۆ گەهاندە كونسولخانا گشتییا ئیرانێ ل هەولێرێ.
ئەڤڕۆ سێشەمبی 7 نیسانا 2026 ێ، فەرمانگەها پەیوەندییێن دەرڤە یا هەرێما کوردستانێ راگەهاند، وان نامەكا فەرمی یا نە رازیبوونێ و دلگرانییێ رادەستی کونسولخانا گشتی یا کۆمارا ئیسلامییا ئیرانێ ل هەولێرێ کر.
ئەڤ هەلویستێ فەرمانگەها پەیوەندییان، پشتی هندێ هات، کو کونسولێ گشتییێ کۆمارا ئیسلامییا ئیرانێ ل سلێمانییێ، زنجیرەکا لێدوان و گەف ئاراستەیی خەلک و قەوارێ دەستووری و سیاسییێ هەرێما کوردستانێ کرییە.
هەروەسا حکومەتا هەرێما کوردستانێ دلگرانییا خۆ یا كویر بەرامبەری وی جۆرێ زمانی گەهاندییە و گۆتییە ژی، ئەو جۆرە گەفە خزمەتا پەیوەندییێن دبلۆماسی و بنەمایێن جیرانییێ ناکەت.