شێخان میدیا
وەلاتیێن خۆشتەڤیێن کوردستانێ و عێراقێ
ئەڤرۆ، ١١ی نیسانا ٢٠٢٦، ل ئەنجوومەنێ نوێنەرێن عێراقێ ب شێوازەکێ پڕۆسەیا هەلبژارتنا سەرۆککۆماری برێڤەچوو، کو ل دەرڤەی پەیڕەوێ ناڤخۆ یێ پەسەندکری یێ ئەنجوومەنی بوو. سەرۆکاتیا ئەنجوومەنێ نوێنەران بێی کو گوه بدەتە پەیڕەوێ ناڤخۆ یێ ئەنجوومەنی بەرنامێ کۆمبوونێ دیاریکربوو، کو ئەڤ چەندە ژی پێشێلکرنا یاسایێ یە. هەروەسا ئەو کاندیدێ هاتیە دیاریکرن بۆ پۆستێ سەرۆککۆماری، ل دەرڤەی ئالیەتێ کوردستانی بوو، د دەمەکێ دا کو ئەو پۆست ئیستحقاقێ گەلێ کوردستانێ یە نەک یێ حزبەکێ، بەلێ ئەڤ کاندیدە بۆ وی پۆستی ژ لایێ حزبەکێ ڤە هاتبوو دیاریکرن و چەند لایەنێن پێکهاتەیێن دی یێن عێراقێ پەسەند کربوو!
لهەما ژبەر هندێ، ئەم وی شێوازێ هەلبژارتنێ ڕەت دکەین و هەر کەسەکێ ب وی شێوازی بهێتە دیاریکرن، ب نوینەرێ زۆربەیا کوردستانی نانیاسین و سەرەدەریێ دگەل ناکەین. هەر ژبەر ڤان ئەگەران ژی، فراکسیۆنا پارتیا مە بایکۆتا پشکداریێ د کۆمبوونا ئەنجوومەنێ نوێنەران دا کر، کو دبوو پشتی بایکۆتکرنێ، ناڤێ کاندیدێ پارتیا مە ژ پڕۆسەیا هەلبژارتنێ هاتبا لادان.
د نوکە دا ژی بۆ هەلسەنگاندنا بارودۆخی و ڕاوێژکرنێ، هەردوو فراکسیۆنێن پارتیا مە ل ئەنجوومەنێ نوێنەران و حکومەتا فیدرالا عێراقێ دێ ڤەگەرن بۆ هەرێما کوردستانێ.
مەکتەبا سیاسییا پارتی دیموکراتی کوردستان
١١ی ٤ی ٢٠٢٦