سەرۆک مەسعوود بارزانی ب هەلکەفتا هەلبژارتنا مار پۆلسێ سێیێ نۆنا وەک پاتریارکێ نوی یێ کەنیسەیا کلدانی ل جیهانێ، پەیامەکا پیرۆزباهییێ بەلاڤ کر و تەکەز ل سەر پاراستنا فەرهەنگا پێکڤەژیانێ کر.
ئەڤرۆ، دوشەمبێ، 13-04-2026، سەرۆک بارزانی د پەیاما خۆ دا پیرۆزباهییەکا گەرم ئاراستەی پاتریارکێ نوی و هەمی گرێداییێن کەنیسەیا کلدانی ل کوردستانێ، ئیراقێ و جیهانێ کر. هیڤیا سەرکەفتنێ بۆ خواست و ئاماژە دا کو ئەڤ هەلبژارتنە ببیتە ئەگەرێ کویرتربوونا روحا پێکڤەژیانێ و لێبۆرینێ د ناڤبەرا پێکهاتەیێن جودا-جودا دا.
هەروەسا د پەیاما سەرۆک بارزانی دا هاتییە: “پشتەڤانییا خۆ بۆ ماف و داخوازییێن خویشک و برایێن کریستیان و سەرجەم پێکهاتەیێن ئایینی یێن دی یێن ئیراقێ و کوردستانێ دوپات دکەینەڤە.” سەرۆک بارزانی تەکەز کر کو کوردستان دێ وەک هەردەم پارێزەرا فەرهەنگا براتی و تەبایییا دناڤبەرا پێکهاتەیان دا مینیت.