مەحمود محەمەد پەیڤدارێ پارتی دیموکراتی کوردستان ڕاگەهاند، دەربارەی ڕەوشا بۆ كەركووكێ هاتیە پێش، پارتی دیموكراتی كوردستان وەكی هەردەم پشتەڤانیێ ل مافێن پێكهاتەیێن عێراقێ و هەرێما كوردستانێ دكەت.
ب ڕاستگوویانە ڕادگەهینین كو ئارامی و پێشكەفتنا وەلاتێ مە گرێدایە ب دابینكرنا مافێن ڕەوا یێن هەمی پێكهاتەیێن نەتەوەی و ئاینی و ئاینزانی و باوەریا مە وەساییە كەركووك مەلبەندێ پێكڤەژیانا هەمی پێكهاتەیێن وێ یە.
هەلویستێ پارتی یا مە ڕوون و ئاشكرایە و دژی وان سەفەقاتان بووین یێن كو ل دەرڤەی نییەتەكا پاقژ ل هۆتێل ڕەشید بێی بەشدارییا لاییەنێن سیاسی كو نوینەرایەتی یا خەلكێ خۆڕاگرێ كەركووكێ دكرن، بسەر وی باژێرێ خۆشتڤی دا سەپاندن، ئەڤ ڕەوشا نوكە ل دیڤ خۆ ئینای درێژی پێدانا وێ سەفەقاتێ یە.
ئەم وەكی پارتی دیموكراتی كوردستان مە گەلەك قوربانی ژ پێخەمەت كەركووكێ وەكی نشتیمان و خەلكێ وێ یێ عەزیز داینە.
هەمی هەلویست و بزاڤێن مە بۆ سەربلندی و بەختەوەرییا وان بوویە، ژبەر هندێ دگەل وان بڕیار و ئەركداركرناندا دبین یێن كو ب هەڤبەشییا هەمی لایەنێن سیاسی و نوینەرێن پێكهاتەیان بهێنەدان.