نێچیرڤان بارزانی، سەرۆکێ ھەرێما کوردستانێ د پەیامەکێ دا رۆژا جیهانی یا کرێکاران ب گەرمی ل هەمی کرێکارێن کوردستانی، ئیراقێ و جیهانێ، سەندیکا و رێکخراوێن وان پیرۆز کر.
نێچیرڤان راگەھاند، ب رێز و سوپاسی ڤە رەنج و ماندیبوونا وان ل قەلەم ددەین، جارەکا دی پشتەڤانییا خۆ یا تەمام بۆ ماف و داخوازییێن رەوا یێن کرێکاران دوپات دکەین و پێداگرییێ ل سەر پێگیربوونا تەمام ب یاسایا کاری دکەین.
ھەروەسا سلاڤان بۆ گیانێ وان هەمی کرێکاران دهنێرین یێن د دەمێ کارکرنێ دا ژیانا خۆ ژ دەستدایی و پێدڤییە ئالییێن پەیوەندیدار هاریکارییا خێزان و کەسوکارێن وان کرێکاران بکەن.