شێخان میدیا
سەرۆک وەزیرێن راسپێردی یێ عێراقێ گەهشتە هەولێرێ
کێمەکێ بەری نوکە سەرۆک وەزیرێن راسپێردی یێ عێراقێ ب سەرەدانەکا فەرمی گەهشتە باژێرێ هەولێرێ و ل فرۆکەخانا نێودەولەتییا هەولێرێ ژ لایێ مەسرور بارزانی، سەرۆکێ حکومەتا هەرێما کوردستانێ ڤە پێشوازییەکا فەرمی لێ هاتە کرن.
بڕیارە د ڤێ سەرەدانێ دا سەرۆک وەزیرێن راسپێردی زنجیرەکا کۆمبوونێن بلند دگەل سەرکردایەتییا سیاسییا هەرێما کوردستانێ ئەنجام بدەت. تەوەرێ سەرەکی یێ گۆتوبێژان دێ یێ تایبەت بیت ب پرۆسەیا پێکئینانا کابینەیا نوو یا حکومەتا فیدرالی، چارەسەرکرنا کێشەیا هەلاویستی یێن د ناڤبەرا هەولێر و بەغدا دا، و هەروەسا جێگیرکرنا مافێن دەستووری یێن هەرێما کوردستانێ د کارنامەیا حکومەتا بهێت دا.
ئەڤ سەرەدانە د دەمەکێ دایە کو پرۆسەیا سیاسییا عێراقێ د قۆناغێن دوماهییێ یێن پێکئینانا حکومەتێ دایە و هەولێر وەک جەمسەرەکێ سەرەکی د هاوکێشەیان دا دهێتە دیتن. لایەنێن کوردی هەردەم جەخت ل سەر بنەمایێن “شەراکەت، تەوازون و تەوافوق” کرییە وەک مەرجەکێ سەرەکی بۆ سەرکەفتنا هەر کابینەکا نوو ل بەغدا، و ئەڤ کۆمبوونە ژی وەک وێستگەکا ئێکلاکەر بۆ گەهشتن ب رێککەفتنا دوماهییێ دهێنە هەژمارتن.