شێخان میدیا
هەر ژ دەسپێکا دامەزراندنا دەولەتا عێراقێ ل سالا ۱۹۲۰ و د قۆناغێن مێژوویا هەڤچرخ دا، ئەو سەرکردەیێن دەستهەلات وەرگرتین؛ ژ مەلەک فەیسەل و مەلەک غازی، هەتا عەبدولکەریم قاسم، عەبدولسەلام عارف، سەدام حوسێن و پاشان جەعفەری، مالیکی، عەبدولمەهدی، عەبادی، کازمی و سوودانی؛ ئایە ب چ دیتن و ئایدیۆلۆژیا مامەلە دگەل کوردان کریە؟
پڕانیا وان هەول دایە ناکۆکیێ د ناڤ مالا کوردی دا پەیدا بکەن و جهێ داخێ یە کو تێدا سەرکەفتی ژی بووینە. ل گەل وێ چەندێ ژی، بەردەوام کار هاتیە کرن کو دەڤەرێن کوردان بن دەست بکەن و لاوازی و دووبەرەکیێ د ناڤبەرا وان دا بچینن، زێدەباری هەولێن وان بۆ لاوازکرنا هەستا نیشتمانپەروەریێ ل دەف تاکێ کورد ب ڕێکا دروستکرنا قەیران ل دویف قەیرانێ.
د ناڤ وێ شەڕەنیخا سیاسی و ئالۆزیا لایەنێن کوردی دا، و سەردۆچوونا پڕانیا وان لایەنان بۆ بەرژەوەندیێن خوە یێن تایبەت، هەستا نیشتمانپەروەری و ب دەستڤەئینانا مافێن گەلێ کورد د ناڤ ڕوبارێن دیجلە و فوراتێ دا نوقم بوویە. ئایە ئەڤ نامە و ب هزاران نامەیێن دی یێن هەر تاکەکێ کورد، دێ شێن وان هێلێن چەپ و چێر جارەکا دی ڕاست کەنەڤە؟
ئایە گرنژینا عەلی زەیدی بتنێ ماسکەک دێ بیت ل بەر چاڤێن وی دا مە پێ بخاپینیت؟ یان دێ بیتە زەلامێ ڤێ قۆناغا هەستیار و چارەسەریا وان ئالۆزیان کەت؟
ئایە دێ دیسان هیڤی و ئومێدێن مە هەر مووچە و بودجە بن؟
ئایە دیسان دێ سنوورێن مە هێنە بەزاندن؟
نامەیەکا بێ بەرسڤ تا چوار سالێن دی…؟