لەیلا قاسم، کو ل ساڵا 1952ێ ل خانیقین ژ دایکبوویە،؛ ئەو تیشکا هیڤیێ بوو ل ناڤ تارییا رژێمەكا زۆردار
. ئەو ب هێمناتی و پەیڤێن هژۆک ڤە نیشان دا کو مێرخاسیا کورد نە تەنێ یا زەلامانە.
د ژیانا خۆ یا کورت دا، وێ ب تێگەهشتن و باوەری ژ بۆ مافێن گەلێ خۆ ل بەغدا ژ هەمی دلێ خۆ تێکۆشا و ب دەنگێ بلند داخوازا ئازادیێ کر.”

لەیلا قاسم، ناڤێ وێ ب زێڕین د مێژوویا خەباتا نەتەوەیی یا کوردیدا هاتیە تۆمارکرن. ئەڤ تێکۆشەرا گەنج، کو ل خێزانەکا هەژار و نیشتیمانپەروەر ل خانەقینێ ژ دایک بوو، بوو ، ئێکەمین ژن د مێژوویا عێراقێ دا کو د پێناڤا ئازادی و مافێن گەلێ خۆ دا بهێتە سێدارەدان.

قوربانیدانا لەیلا قاسم، کو نازناڤێ “بووکا کوردستانێ” لێ هاتیە کرن، بوو هێمایەک بۆ خۆڕاگری و ئیرادەیا گەلێ کورد. ئەو نە تەنها ژنەکا تێکۆشەر بوو، بەلکو بوو سیمبولا ئازایەتی و قوربانیدانا ژنا کورد د پێناڤا نیشتیمانێ وێ دا.

لەیلا ل سالا ١٩٧١ێ دگەل خێزانا خۆ چوونە بەغدا و ل وێرێ دەست ب خواندنا کۆمەڵناسیێ ل زانکۆیا بەغدا کر. د ڤێ قۆناغێ دا، ب تەمامی تێکەلی ژیانا سیاسی و خەباتا نهێنی بوو، و بوو ئەندامەکا چالاک یا ئێکەتییا قوتابیێن کوردستانێ و پارتی دیموکراتی کوردستان. وێ باوەریەکا قایم ب دۆزا ڕەوا یا گەلێ خۆ هەبوو و ب چاڤنەترسیەکا بێ وێنە ڕووبەڕووی زۆردارییا ڕژێما بەعس دبوو.

د دەمەکێ دا کو ڕژێما بەعس ب توندی دژی بزاڤا ڕزگاریخوازا کوردی بوو، لەیلا قاسم و هەڤالێن وێ ل ١٢ی گولانا ١٩٧٤ێ، پشتی دادگەهکرنەکا پڕ ژ درەو و ساختەکاری، ل بەغدا هاتنە سێدارەدان. لەیلا قاسم ل بەرامبەر جەلادێن خۆ، ب بێ باکی و شانازی ڤە ڕاگەهاند: “(ب کوشتنا من، هەزاران لەیلا قاسم دێ ل کوردستانێ سەرهەڵدەن.” ئەڤ گۆتنە بوو درووشمەکێ نەمر بۆ شۆڕەشگێرێن کورد.)