شێخان میدیا
لیژنا ساخلەمیێ یا سەر ب قایمقامیەتا قەزا بەردەڕەش ڕادەگەهینیت، کو دەست ب سەر ٣ هزار دەرمانێن نەیاسایی دا گرتیە و ٧٠ مریشکفرۆشێن قەزایێ ژی ئاگەهدار کرینە کو سەرەدانا بنگەهێ ساخلەمیێ بکەن.
ئەڤرۆ ڕۆژا چارشەمبی، لیژنا ساخلەمیێ یا سەر ب قایمقامیەتا قەزا بەردەڕەش بەلاڤکر: پشتی دویڤچوونێن وان یێن بەردەوام بۆ سەنتەرێ قەزایێ، د ماوێ ١٥ ڕۆژێن بۆری دا چەندین سەرپێچی تۆمارکرینە و ڕێکارێن یاسایی بەرامبەر وان هاتینە وەرگرتن.
لیژنێ ئاماژە ب وێ چەندێ کر کو د ڤی ماوەی دا دوو دەرمانخانە و دوو نۆرینگە هاتینە گرتن، و پتر ژ ١٥ جهێن دی یێن پزیشکی هاتینە سزادان، دیسان هۆشداری هاتیە دان بۆ ٦٠ جهێن دی.
لیژنا ساخلەمیێ یا قەزا بەردەڕەش دبێژیت: دەست ب سەر ٣ هزار دەرمانێن نەیاسایی دا هاتیە گرتن، ژ وان ژی؛ مەڵهەمێن قاچاخ، دەرمانێن بێ ستیکەر و دەرمانێن بەسەرڤەچووی (ئێکسپایەر).
هەر د ڤێ هەلمەتێ دا، لیژنێ ٧٠ مریشکفرۆش ئاگەهدار کرینە کو سەرەدانا بنگەهێ ساخلەمیا خازر بکەن ب مەرەما وەرگرتنا ڤاکسینی، داکو ڕێگری د بەلاڤبوونا نەخۆشی و ڤایرۆسان دا بهێتە کرن.