شێخان میدیا
ئەڤرۆ شەمبی 5/23، مەسرور بارزانی سەرۆکێ حکومەتا هەرێما کوردستانێ، د چارچۆڤێ سەرەدانا خۆ دا بۆ بەغدا، دگەل عەلی فالح ئەلزەیدی سەرۆک وەزیرێن فیدرال کۆمبوو.
د کۆمبوونێ دا، سەرۆکێ حکومەتێ وێڕای پیرۆزباهییا دەستبکاربوونێ ل سەرۆک وەزیرێن فیدرال، پشتەڤانییا حکومەتا هەرێما کوردستانێ ژی بۆ سەرخستنا حکومەتا وی دوپات کر، پێخەمەت خزمەتکرنا هەمی پێکهاتە و وەلاتییێن عێراقێ ب بێ جوداهی. سەرۆکێ حکومەتێ جەخت ل سەر گرنگییا چارەسەرکرنا کێشەیێن د ناڤبەرا هەرێما کوردستانێ و حکومەتا فیدرال دا کر ب شێوەیەکێ بنەرەتی و ل سەر بنەمایێ دەستووری و رێزگرتن ل قەوارەیێ فیدرالیێ هەرێما کوردستانێ.
سەرۆک وەزیرێن فیدرال، خۆشحالییا خۆ ب سەرەدانا سەرۆکێ حکومەتێ دیار کر و جەخت ل سەر هندێ کر کە ئەم هەمی د ڤی وەلاتی دا هەڤپشکین و ئارمانجا مە چارەسەرکرنا کێشەیان و گەهشتنا ب رێککەفتنێ و خزمەتکرنا هەمی وەلاتی و پێکهاتەیانە ب بێ جوداهی.
هەردو لایەن هەڤرا بوون ل سەر بهێزکرنا هاریکاری و هەماهەنگیێ د ناڤبەرا هەردوو حکومەتێن فیدرال و هەرێما کوردستانێ دا بۆ چارەسەرکرنا کێشەیان و دەربازکرنا ئاستەنگ و تەنگاڤییان.