مافپەروەر :خهلهف شهرهفانی
تاوانا شووشتنا دراڤی و مالیهتی دهێته خۆیاكرن كوههر چالاكیهكا دراڤی یه، مهرهم ژێ ڤهشارتنا ژێدهیێ تاوانی یه یان یێ نهیێ شهرعی یا دراڤی و سهرداگرتنا سیفهتهكا شهرهعی، ههر وهسا ب شێوهكێ دی، تاوانا شووشتنا دراڤی واته تێكههلكرنا پاره و مالیهتان یێن كو ب رێیهكا نه رهوا هاتینه بدهستڤهئینان د ناڤ سازیێن مالی دا یانژی ژ وان مالیهتان د ناڤ مالیهتێن مهشروع ب ئارمانجا دانا سیمایهكێ شهرهعی ل سهر و دابڕینا پهیوهندیێ د ناڤبهرا وان و تاوانان دا، یێن ئهڤ مالیهته ئینیاین ب وێ رێكێ، ههر وهسا پرۆسا ئهموالان ب سێ قووناغێن سهرهكی دهێن: ـ
1ـ قووناغا خڕكرنێ یانكو (ایداع): دانانا دراڤێ نهختینه یا كو ب دهستڤههاتی ژ تاوانێ د ئێك ژ سازیێن مالی دا، وهكو تهمهید بۆ ڤهگوهاستنێ بۆ جههكێ دیتر، ئارمانج ژێ دانانا دراڤێ نهختینه د ئێك ژ سازیێن مالی دا، ئهوه كو ژ بهرچاڤێن دهسههلاتێن تایبهتمهند بهێته ڤهشارتن. 2ـ قووناغا بژالهكرن: ئهو ژی وان داهاتییان بخوهڤهدگریت یێن نه یێن رهوا ژ ژێدهرێن خوه ب رێیا پێرابوونا زنجیرهكا كریارین نهختینه یێن ئالۆز یێن ئارمانجا وان نههێلانا ههرشوونهوارهكێ ئاماژێ ددهته ژێدهرێ وان پارا، كو رهنگه كار پێ بهێته كرن د پرۆسا چاڤدێریا مالی دا.
3ـ قووناغا تێكههلكرنێ ئهڤ قووناغه دچیته دوباره ڤهژاندنا پارهیێن نه مهشروع بۆ ئابووری دا كو رۆخسارهكێ قانوونی و شهرعی وهربگریت، ب رهنگهكی كو وهبهرهێنانا وێ پرۆژێن بازرگانی دا، یین كو مفایێن متالی یێن ببها بدهستڤهدئینن. بهلێ دهربارهی پارهیێن نهرهوا، ل ههمی دۆخهكی پارهێی نه مهشروع ب خوهڤه دگریت، یێن دچنه د ئامانێ پارهیێ خراب دا، و یێن دهرئهنجام ژ چالاكی یان كریارێن تاوانكار دا، و نهقانوونی یان نه رهوا وهكو: بازرگانیا نه رهوا یا بێهۆشكهران و زی…
