شێخان میدیا
ب ناڤێ خودێ مەزن و دلۆڤان
ب هەلکەفتنا هاتنەڤەیا جەژنا قوربانێ یا پیرۆز، پیرۆزباهییا خۆ ئاراستەی موسلمانێن کوردستانێ و عێراقێ و هەموو جیهانێ دکەم. پیرۆزباهییا تایبەت ژی ئاراستەی خانەوادەیێن سەربەرزێن شەهیدان و پێشمەرگەیێن قارەمان و سەرجەم هاوەڵاتییێن خۆشەڤیستێن کوردستانێ دکەم. د ڤێ هەلکەفتنا پیرۆزدا ژ خودێ مەزن داواکارم خێر و خۆشی و ئاسوودەییێ بۆ هەموو خەلکێ کوردستانێ و جیهانێ ب دەست ڤە بینیت.
هەروەسا د ڤی دەمێ هەستیار و چارەنڤیسسازدا پەیاما من بۆ لایەن و هێزێن سیاسییێن کوردستانێ ئەڤەیە کو هەموو لایەک بیر ل بەرژەوەندییێن خەلکێ کوردستانێ بکەن و بەرژەوەندییێن بلندێن گەلێ مە د سەری کێشە و بەرژەوەندییێن بەرتەنگدا دابنین، و دەست ژ ڤێ ململانێیا بێ ئەنجام و ڤێ خۆخۆرییێ بەردەن یا کو ماوەیەکە پرۆسەیا سیاسییا هەرێمێ پێ دناڵینیت. داوا دکەم پشتی جەژنا قوربانێ یا پیرۆز، لایەنێن سیاسییێن هەرێمێ ب دڵسۆزی و هەستێ نیشتیمانپەروەرییێ ڤە پێکڤە کۆببنەڤە و وێ چەقبەستوویییا سیاسی چارەسەر بکەن و دوماهییێ ب ڤی دۆخێ نەهەموارێ سیاسی بینن. ئەڤە ئەرکەکێ ویژدانی و نەتەوەیی و نیشتیمانییە و پێدڤییە هەموو لایەک ب هەستێ بەرپرسیاریەتییێ ڤە سەرەدەرییێ دگەلدا بکەن و بزڤڕنە سەر ڕێکا ڕاست.
هیڤیدارم ئەڤ جەژنە ببیتە دەستپێکەک بۆ باشتربوونا بارودۆخێ هەرێما کوردستانێ و دەربازبوونا ئاریشەیێن سیاسی و هەروەسا بەرقەراربوونا ئاشتی و ئارامی و سەقامگیریێ ل دەڤەرا مە و سەرانسەری جیهانێ.
جەژنا وە پیرۆز بیت و هەر دەم د خۆشی و سەلامەتیێدا بن.
مەسعوود بارزانی
٩ی زیلحەججەیا ١٤٤٧ی کۆچی
٢٦ی ئایارا ٢٠٢٦