شێخان میدیا
تایبەتمەندێن خارنێ ئامۆژگاریێ دکەن کو دەمێ مرۆڤ تووشی ئاریشێن هەرسکرنێ دبیت (وەکو وەرمینا زکی، زکچوون، و هەوکرنا ڕویڤیکان وەک نەخۆشیا کرۆن و قۆلۆنێ)، یان ژی د قۆناغا چاکبوونێ دا پشتی نەشتەرگەریان، پێدڤیە بۆ دەمەکێ بەروەخت خوارنا ڕویشاڵان کێم کەت دا کو دەلیڤەیەکێ بدەتە ڕوێڤیکان بۆ بێهێنڤەدانێ.
دیارترین ئەو خارنێن سڤک یێن دهێنە پێشنیارکرن:
1- بیبەرا زەر: یا دەوڵەمەندە ب ڤیتامینێن (C، B، E، K) و دژە-ئۆکسانان، و ڕێژەکا کێم یا ڕویشاڵان تێدا هەیە.
2-گندۆر و شتی: ب وێ یەکێ دهێنە نیاسین کو ڕێژەکا باش یا ئاڤێ تێدا هەیە، و د نەرمنو ب ساناهی دهێنە هەرسکرن.
3- پتاتیا سپیکری : ب ساناهیتر دهێتە هەرسکرن، د هەمان دەم دا کانزایێ پۆتاسیۆمێ د ناڤ خۆ دا دپارێزیت.
4-سپیناخا کەلاندی : کەلاندنا وێ هاریکاریا تێکشکاندنا ڕیوشاڵان دکەت و هەرسکرنێ ب ساناهی دکەت، هەروەسا مژێنا ئاسنی د لەشی دا زێدە دکەت.
5- مۆزا گەهشتی: ب ناڤکا خۆ یێ نەرم دهێتە نیاسین و گەلەک ب ساناهی دهێتە هەرسکرن.
6- خەس: ڕێژەکا گەلەک کێم یا ڕویشاڵان تێدا هەیە، بەس یا پێشنیارکری ئەوە کو باش بهێتە چووین (جویین).