شێخان میدیا
هندەک مرۆڤ هەنە بهری وهغهرا دووماهیێ بكهن د ناڤ دل و وژدانا خەلکی دا جهێ خۆ یێ بهردهوام و نهگۆرچێدکەن، وهغهركرنا بێدهنگا ڕۆژنامەڤان هەلکەوت عەزیزد ڕوودانەکا ترافیکێ دا ههر ژ دەستدانا مرۆڤهكێ نەبوو خهمهكا مەزن بوو بۆ پەیڤا ڕاست و لێدانەکا گران بوو بۆ دلێ ڕۆژنامەڤانییا پیشەیی ل کوردستانێ.
ئەو پێلا بەرفرەهـ یا هەڤخەمیێ ئەوا ل سەر گشت ئاستێن جودا یێن جڤاکی سیاسی و ڕۆشنبیری ل کوردستانێ بەڵاڤبووی، ب ڕێکەفت نهبوو ئێكدهنگیا نیشتمانی د خهمگینیێ دا مەزنترین بەلگەیە کو جڤاك هێشتا قەدرێ قەلەمێ پاقژ و دەنگێ ڕاستبێژ دزانیت، هەلکەوت عەزیز د چارچۆڤێ کارێ خۆ یێ پیشەیی دا سەلماند کو ڕۆژنامەڤانی بەرپرسایەتییەکە بهریا کو پیشە بیت ئەو ب ڕەوشتێ کارکرنا خۆ ببوو پرەکا باوەریێ د ناڤبەرا ڕاستیێ و خەلکی دا ب تایبهتی دهنگوباسێن ئابووری ل بهغدا، راستبێژی د كاری دا هۆكارێ وێ ههڤخهمیا نیشتیمانی بوو بۆ ژ دهستدانا قهلهمێ ههلكهوت.
د سەردەمەکێ دا کو گەلەک جاران ڕاستی قوربانییا لەزاتیێ یه، بهلێ ههلكهوت مۆدێلەکێ جودا یێ ڕۆژنامەڤانییا راستبێژیێ پێشکهش دکر وی چ جاران پەیاما خۆ نەکـربوو قوربانییا بەرژەوەندیێن دهمكی، لەورا د گەهاندنا دەنگێ جادێ و خەمێن وهلاتیان دا یێ راستبێژ بوو، ددهمهكێ دا ترافیکێ ژیانا وی دووماهیك ئینا، بهلێ ڕێکا راستبێژیێ ئەوا وی پیشه و راستی ل سەر ئاڤاکـری دێ وەک قوتابخانەیەک بۆ نڤشێن داهاتی یێن ڕاگەهاندنێ بەردەوام مینیت.
مرن دشێت لهشی بهرزه بكهت و قەلەمی ژ نڤیسینێ ڕاوەستینیت، بهلێ چ جاران نەشێت ناڤ ودەنگی و پەیاما مرۆڤێن ڕاستبێژ بەرزە بکەت، هەلکەوت عەزیز چوو، بهلێ بیرەوەریا وی وەک سیمبۆلێ ڕۆژنامەڤانییا پاقژ د دیرۆكا ڕاگەهاندنا کوردی دا دێ یا پاراستی بیت، ههلكهوت پهنجهرهیا دیتنا ههموو تهخ و چینا بوو دهنگ و رهنگێ ههمووان بوو، راگههاندنا كوردی ستێرهك ژ دهستدا كو هێمایێ راستیێ بوو د ناڤ ئالۆزێن رۆژهڤا بهغدادا.