پرۆژەیێ رۆناکیێ و ئاشێ بای
ئەو رویدانێێن ئێک لدیڤ ئێکێن ل هەرێما کوردستانێ دروست بوین بیرامن ل رودانێت رۆمانا زەڤیا گیانەوران دئینیت ئەو دەما سەرکێشێن شورەشا زەڤیا (مینەر) ناپلیون و سنوبل سەرکردایەتیا زەڤیەکا گیانەوەران دکر ، سنوبل بژیراتی و زیرەکیا خو هەمی گیانەوەرێن زەڤیێ پالدان ژبۆ دروستکرنا ئاشێ بای کو ئێک ژگرنگترین پرۆژان بوو وەک ژێدەرەک بۆ وزێ و رێکەکبوو ژبۆی ساناهیکرنا کاری و هیڤیەکبوو ژبۆی ژیانەکا باشتر، هەمی گیانەوەرێن زەڤیێ ب ئێک روح و گیان کارکرن ژبۆی دروستکرنا ئاشێ بای و برەنج و ماندیبوونەکا مەزن ڤە و ب شەڤ و روژ, نێزیک ببوون ئاشێ وان بدوماهیک بهێت، ب ئەڤی شێوەی ژیری و زیرەکیا سنوبالی ناپلیون گەلەک دلگرانکربوو ژبەر کو ددیت کاریگەریەکا مەزن ل گیانەوەران دکەت و دەستهەلاتا وی یاکێم دبیت ژئەگەرێ پروژە و کارێن زیرەکانەیێن سنوبالی ڤە، لەوا د سپێدەهکا زوی دا دەما گیانەوەر ژخەو هشیار دبن نەخوشترین دیمەن دبینن، ئەوژی هەرفینا ئاشێ بای بوو یێ کو بۆماوەیێ چەندین سالانبوو زێدەباری دەربازکرنا ئاستەنگ و ئاڵنگاریان کارکرن و زحمەتەکا زوور و هەمی دشەڤەکێ دا ژناڤچوو، لێ یا جهێ مەندەهوشیێ ئەڤ کارە نە ژئالیێ چ دوژمن و نەیارێن وان ڤە هاتیەکرن بەلکو هەر ژ ناڤخویا وان هاتە کرن و ژبۆ بەرژەوەندیێن خویێن چەپەل، پشتی هەرفینا ئاشێ بای کار راوەستیا و بەرهەمێ وان کێم بوو و کارەبا وان ڤەمریا و گیانەوەر زڤرینە کارێ خوو یێ ب زەحمەت. ئەوێ لسەر دەستێ (جۆنزی)دیتین و ورەیا وان هاتە خار و ئارمانج ژ ڤێ هەمیێ ئەوبوو بتنێ ناپلیون دا ب سەلمینیت ئەز ئەکتەرێ سەرەکیێ شورەش و پێشکەفتن و پروژامە و دا بسەلمینیت ئالیێن دی کو د راستیدا شورەشگێرێن راستەقینەبوون ئەگەرێ تێکدان و پاشڤەمانێ و ئاریشانە لێ دەرئەنجامەک بتنێ ژێ پەیدابوو ئەوژی ئاشێ بای هەرفیا و زەڤیێ هەمی زەرەرمەندبوو، دڤێ رومانێ دا بەرازێن تێکدەر زەرەرمەندنەبوون ژ تێکدانا ئاشێ بای چونکی هەر ژورێن وان دگەرمبوون و خارن و ڤەخانا وان یا بێ کێماسی بوو و ، ئمتیازاتێن وان هەر وەک خومان لێ گیانەوەرێن هەژار ل بەر سەرمایێ دنڤستن و ئەو هێڤی و ئارمانج ژناڤچوون یێن کو خەونێن وان یێن چەندین سالانبوون
پشتی هێرشا کورمور گورزەک ب ژێرخانا هەرێما کوردستانێ کەفت یا کو هێڤیا ملیونان خێزانانبوو، دڤێ رویدانێ دا نە ب تنێ کۆرمۆر ژ کارکەفت بەلکو خەونا پاشەروژەکا گەش ژکارکەفت.