شێخان میدیا
دناڤا گەشتا ژیانێ دا مرۆڤ د گەلەك قوناغاندا دەرباز دبیت، و هەر قوناغەك پڕە ژ نویاتی و هێما و یاری و كومەكا تشتێن كو مرۆڤ دگەل هەبونا وانڤە دهێتە گرێدان، و هزرا مرۆڤی مینا قیبلەنامەیەكێ لێ دهێت كو زڤرین بتنێ بو ئەوی ئاراستەیە ئەوێ كو ژیواری بو دروستكری، و ل ڤێرە مرۆڤ دكەفتە هەڤركیەك بەردەوام و هندەک جاران مرۆڤ خۆ ژبیر دكەت، و ئەو تشتێن ب ڕامان و گرنگ بو ژیانا خۆ پاشڤە دهێلیت، و ئێدی دبیتە بەندەیێ هزرا خۆ و هزرژی بویە بەندەیێ ژیواری و ژیوار ژی یاریەكە دناڤا هندەك دەستان دا، كو هەر جار ب ڕەنگەكی یاریكەرا د خاپینن، دەما ژیان ببیت یاری و یاریكەرێن وێ مرۆڤێت لاواز بن ئێدی كەسێن بێهوش ژێ بەرهەم دهێن هەر وەكی د ئەڤی سەردەمێ نوكە ئەم دناڤدا، كو ئەم دبینین ئێدی گەنج و كومەلگەهـ یا دهێتە بێهوشكرن ب هندەك ڕێكێن ئەم هزر دكەین خوشی و ئارامینە بومە، و ڕەنگە ب ساڵان ئەم جاڤەرێ هندەك ژ وان یاریا ببین ئەوێت كو هزرامە پێڤە هاتینە گرێدان، دێ بینین ب ڕێكا هندەك بەرنامێن سوشیالی و تلەڤزوینی و چەندین ڕێكێن دی ب دەهان ئاریشە و پێدڤیاتیێن دەستپێكێ ژ هزرا گەنجان برینە، و هوسا بێ ڕامانیێ كنترولا مرۆڤان كریە و ئێدی هزر بویە گومەكا گەنی و بێهوشكرن دبیت دناڤا درامایەكێ یان هەتا دیتنا هندەك مرۆڤان دا بهێتە دیتن، لەوما گرنگە مرۆڤ دناڤا ئەڤێ یاریا دهێتە ئەنجامدان یاریكەرەكێ باش و چاڵاك بیت، و ئەو ببیتە قارەمانێ ژیوارێ خۆ نەك ببیتە بەندەیەك و و سوارەك دناڤا گەشتییێ دا، كو گەشتیێ كەیڤە بڤێت بەر ب ئەوی ئاراستەیی ڤە ببەت، ئەڤ قوناغە و سەردەمە نەبتنێ سەردەمێ بێهوشكرنا لەشیە، بەلكو یا هزریە و ڕۆژانە ڕەنگە ب دەهان جاران ئەم بخو بكەڤینە ناڤا وێ بازنا بێهوشكرنێ و پشتەڤانیا وێ بكەین، و دەستان ژبو یاریا ئەو دكەن. ب قوتین، و ل دوماهیكێ دێ زانین و تێگەهین ئەم چەند د نەزان بوین؟ نەزان بوین كومە خوشی ژ بێهوشیا خۆ ددیت ئەم چەند د سادەبوین سادەیی د سەرداچوونێ دا كو ببوینە كومەكا مرۆڤان ب كورەیی مە پێنگاڤ دهاڤێتن، ئەگەر دنوكەدا ئەم جاڤێن خو باش ڤەنەكەین و ڕەش و سپی ژێك جودا نەكەین ئێدی ژیان دێ بیتە كارگەها دروستكرنا مرۆڤێن هشك و بێ ڕامان و جوانی و ئاڤەدانی ژێ ڕەڤیت، ژبەركو هزر ئەوە یا ژیانێ جوان دكەت و هزرەكا بەند ژبلی بەندایەتیێ مرۆڤ دێ چ تشتی ژێ جاڤەرێ كەت؟