شێخان میدیا
د ناڤ جەرگێ هاوکێشەیا سیاسی یا ئاڵۆز و پڕی گۆڕانکاری یا هەرێما کوردستانێ و دەڤەرێ دا، بەردەوام بزاڤ و فشارێن جودا جودا ژ لایێ هێزێن ڕکابەر و ئۆپۆزسیۆنێ ڤە دێنە کرن بۆ دروستکرنا کاریگەریێ ل سەر پێگەیێ پارتی دیموکراتی کوردستان. لێ ڕاستیا ل سەر عەردی و نێڕینا مێژوویی نیشان ددەن کو د ناڤ لێشتا هێرش و تەحەدیێن سیاسی دا، پارتی وەک ستوونا سەرەکی یا حوکمڕانی و سەقامگیریێ پایەدار و نەهەژاو دمینیت. ئەڤ ڕاگرتن و مانەوەیا ل لۆتکەیێ، ژ چەند فاکتەر و بنەمایێن ستراتیژی سەرچاوە دگرێت:
١. ڕێکخستنا ئاسنین و جەماوەرێ کۆنکریت
پارتی خودان سیستەمەکێ ڕێکخستنێ یێ پڕ دیسپلین و ب هێزە کو د ناڤ پێکهاتەیا حزبێن دن یێن کوردستانێ دا کەم وێنەیە. جەماوەرێ پارتی نە دەنگدەرێن وەرزی یان کاتی نە، بەلکو پێکهاتەکێ دڵسۆز و پشتبەستوویێ دۆزێ نە کو د سەخترین قۆناغ و قەیرانان دا وەک قەڵغانەکێ جێگیر پشتگیریێ ژ سەرکردایەتیا خۆ دکەن. ئەڤ هێزا جەماوەرییا پۆڵایین ناهێلیت چو تەوژمێن کاتی یێن ڕاگەیاندنێ کار بکەنە سەر پێگە و قەبارێ وێ یێ جەماوەری.
٢. سەرکردایەتیا کارێزماتی و دبلۆماسیەتا سەنگین
ئێک ژ خاڵێن جەوهەری یێن جوداکەر، هەبوونا سەرکردایەتیەکا خودان پێگەیێ مێژوویی و خودان سەنگا ئیقلیمی و نێودەوڵەتی یە. بڕیارێن ستراتیژی یێن چارەنووسساز ل سەر ئاستێ هەرێمێ و عێراقێ ب بێ پشکداری و ڕەزامەندییا پارتی تێپەڕ نابن. د دەمەکێ دا کو ڕکابەرێن سیاسی زۆرجار د چوارچۆڤەیێ دروشمێن لۆکاڵی دا کار دکەن، پارتی دبلۆماسیەتەکا هوششیار و دێرین دگەل زلهێزێن جیهانێ پەیڕەو دکەت کو گەرەنتیا پاراستنا قەوارەیێ دستووری یێ هەرێمێ دکەت.
٣. پارێزەرا ناسنامەیا نەتەوەیی و فیدڕالیەتێ
پارتی شیایە د دەروون و هۆشیاریا تاکی کوردی دا خۆ وەک سیمبول و زامنا سەرەکی یا پاراستنا دەستکەفتێن نەتەوەیی بچەسپینیت. هەمبەر هەمی دەرکەفت و هەوڵێن هندەک لایەنان بۆ لاوازکرنا قەوارەیێ هەرێمێ یان تەسلیمکرنا دەسەڵاتێ ب تەمامی بۆ بەغدا، پارتی هەمیشە وەک هێلا سوور و هێلا بەرگریێ یا دوماهییێ هاتیە نیاسین. ئەڤ ناسنامە نەتەوەییە، هێزەکێ ئەخلاقی و جەماوەری ددەتە حزبێ کو ب چو هەڤپەیمانیێن کاتی یێن ئۆپۆزسیۆنێ یان لێشتا ڕەخنەیان ناهێتە لەقاندن.