پێشەوا هەورامانی: لسەر بڕیارا مەسرور بارزانی ئەرد دێ هێتە دان بۆ زیندانیێن سیاسی و کەسوکارێن شەهیدان
پەیڤدارێ حکومەتا هەرێما کوردستانێ ڕاگەهاند کو لسەر بڕیارا سەرۆکێ حکومەتا هەرێما کوردستانێ ئەرد دێ هێتە دان بۆ زیندانیێن سیاسی و کەسوکارێن شەهیدان.
پێشەوا هەورامانی، پەیڤدارێ حکومەتا هەرێما کوردستانێ بەلاڤکر: “د بڕیارا دابەشکرنا ئەردی دا ژ لایێ حکومەتا هەرێما کوردستانێ ڤە، بەری نوکە بڕیار بوو تەنێ فەرمانبەر ئەردی وەربگرن، لێ لسەر بڕیارا سەرۆکێ حکومەتا هەرێما کوردستانێ پێنج هزار و 440 پارچە ئەرد دێ هێنە دان بۆ بنەمالێن شەهیدێن سەنگەری و جینۆسایدکرییان، و 15 هزار و 499 پارچە ئەرد بۆ زیندانیێن سیاسی هاتینە تەرخانکرن، ب مەرجەکی کو بەری نوکە مفادار نەبووبن ژ وەرگرتنا ئەردی.”