شێخان میدیا
وەکی وێ دایکا کومەکا سالان هەمی سپێدەیان چاڤەرێیی ڤەگەرا کورێ خۆ یێ ئەنفالکری دکەت ، بۆ هەلاتنا رۆژێ لسەر ڤێ ئاخێ ب ئۆمێدم
ــــــــــــــــــــــــــــــــــــ
ئەو زارویێ هە یێ ل ناڤ سرایا بن ئاخکرنا خۆ دگرنژیت ، مە فێردکەت بۆ بەردەوامیا ژیانێ یاریا ب خەمێن خۆ بکەین
ــــــــــــــــــــــــــــــــــــــ
هەڤالا روندکا
پێنج وێنە دناڤ دەستێن وێ یێن قورمچی دا ڤەدلەرزین
کەلەگریێ گەوریا وێ گرت :
کی دبێژیت هەڤالێن سەردەمی دبێ وەفانە ، سیهـ و اپێنج سالە روندک هەڤالێن ب وەفا یێن چاڤێن منن
ـــــــــــــــــــــــــــــــــــــ
سەرێ خۆ بۆ ئەسمانی بلندکر ، قێریێن وێ ب سەر وی تاخی دا چوون
من زانی دڤیا نامەیەکێ بگەهینیتە کورێ خۆ یێ ئێکانە:
کۆرێ من بۆ بێ گۆریا خۆ ب خەم نەکەڤە ، ئاسایی یە سیهـ و پێنج سالە ئەز ژی یا بێ گۆرم
ـــــــــــــــــــــــــــــــــــــــ
بۆ سەرەدانا بابێ خۆ هەر ساڵ دەستکەکێ گۆلان دکڕیت ، ئەڤ سالە ژی دەستکێ گۆلێن وێ د دەستێن وی دا ژ دێمێ وێ قورمچی تر لێهات ، هەمی گۆرستان تێکڤەدا چ کێلیا ناڤێ بابێ وێ لسەر نەبوو
ـــــــــــــــــــــــــــــــــــــــــــــ
هەکۆئەز زاروک ئەو پیرە ژنا جیرانا مە ، د گوتە هەمی رەنگا رەش ، من هزردکر پیریێ رەنگ یێ ژ بیرێ برین ، لڤێ دوماهیێ من زانی کۆرێ وێ یێ هاتیە ئەنفالکرن